പത്തനാപുരം: അഞ്ചല്‍ വിഷയത്തില്‍ കെ.ബി.ഗണേഷ്കുമാറിനെതിരെ നടക്കുന്ന ദുഷ്പ്രചരണങ്ങള്‍ അവസാനിപ്പിക്കണമെന്നാവശ്യപ്പെട്ട് കേരളാ വനിത കോണ്‍ഗ്രസ് ബി പ്രവര്‍ത്തകരുടെ നേതൃത്വത്തില്‍ ഐക്യദാര്‍ഡ്യപ്രകടനം നടന്നു.മഞ്ചള്ളൂരില്‍ നിന്നും ആരംഭിച്ച പ്രകടനം നെടുംപറമ്പ് ചുറ്റി ടൗണില്‍ സമാപിച്ചു.
രാഷ്ട്രീയ പ്രേരിതമായി എംഎല്‍എയെ അഞ്ചല്‍ വിഷയത്തിലേക്ക് മനപൂര്‍വം ഉള്‍പ്പടുത്തുകയാണെന്ന് നേതാക്കള്‍ ആരോപിച്ചു. മഹിളകോണ്‍ഗ്രസ് ബി സംസ്ഥാന അധ്യക്ഷ ഏലിയാമ്മ, പ്രവര്‍ത്തകരായ ലക്ഷ്മിക്കുട്ടി, റാജിഫ, നസീമാ ഷാജഹാന്‍, ശ്രീജ.സി.പിള്ള, മഞ്ചു.ഡി.നായര്‍ എന്നിവര്‍ നേതൃത്വം നല്‍കി.
