പ്ലസ് ടു, ബോബി, കാക്കിപ്പട എന്നീ സിനിമകൾക്ക് ശേഷം ഷെബി ചൗഘട്ട് സംവിധാനം ചെയ്യുന്ന ഗ്യാങ്സ് ഓഫ് സുകുമാരക്കുറുപ്പ് എന്ന ചിത്രത്തിന്‍റെ ഫസ്റ്റ് ലുക്ക് പോസ്റ്റർ പുറത്തിറങ്ങി.
രണ്ട് , ഫൈനൽസ് എന്നീ ചിത്രങ്ങൾക്ക് ശേഷം പ്രജീവം മൂവീസിന്‍റെ ബാനറിൽ പ്രജീവ് സത്യവർധനാണ് ചിത്രം നിർമിക്കുന്നത്. പ്രശസ്ത സംവിധായകൻ ഷാജി കൈലാസിന്‍റെയും ആനിയുടെയും ഇളയ മകന്‍ റുഷിൻ ഷാജി കൈലാസ് ആദ്യമായി നായക വേഷത്തിൽ അഭിനയിക്കുന്ന സിനിമയാണിത്.
സുകുമാരക്കുറുപ്പ് എന്ന ടൈറ്റിൽ കഥാപാത്രമായി അബു സലിം എത്തുന്നു. ജോണി ആന്‍റണി, ടിനി ടോം, ശ്രീജിത്ത് രവി, ഇനിയ, സുജിത് ശങ്കർ, എബിൻ ബിനോ, ദിനേശ് പണിക്കർ, സിനോജ് വർഗീസ്, അജയ് നടരാജ്, സൂര്യ ക്രിഷ്, വൈഷ്ണവ് ബൈജു, പാർവതി രാജൻ ശങ്കരാടി തുടങ്ങി നിരവധി താരങ്ങൾ അഭിനയിക്കുന്നു. ചിത്രം ഓഗസ്റ്റ് അവസാന വാരം തിയേറ്ററുകളിലെത്തും. സംവിധായകൻ ഷെബി ചൗഘട്ടിന്‍റെ കഥക്ക് വി. ആർ ബാലഗോപാൽ തിരക്കഥയും സംഭാഷണവും രചിക്കുന്നു. സംഗീതം മെജോ ജോസഫ്.
പശ്ചാത്തല സംഗീതം റോണി റഫേൽ, കാമറ രജീഷ് രാമൻ, എഡിറ്റിംഗ് സുജിത് സഹദേവ്, ആക്ഷൻ കോറിയോഗ്രാഫർ റൺ രവി, മേക്കപ്പ് -സന്തോഷ് വെൺപകൽ, നിശ്ചല ഛായാഗ്രഹണം അജീഷ്, കോസ്റ്റ്യും ഡിസൈൻ ബ്യൂസി ബേബി ജോൺ, ചീഫ് അസോസിയറ്റ് ഡയറക്ടർ കൃഷ്ണകുമാർ, പ്രൊഡക്ഷൻ എക്സിക്കുട്ടീവ് കുര്യൻ ജോസഫ്, പ്രൊജക്റ്റ് ഡിസൈൻ മുരുകൻ എസ്, ഡിജിറ്റൽ മാർക്കറ്റിംഗ് എന്‍റർടെയ്ൻമെന്‍റ് കോർണർ.
