വെ​ടി​നി​ർ​ത്ത​ൽ ക​രാ​ർ കാ​റ്റി​ൽ പ​റ​ന്നു; ഗാ​സ​യി​ൽ ഇ​സ്ര​യേ​ലി​ന്‍റെ വ്യോ​മാ​ക്ര​മ​ണ​ത്തി​ൽ കു​ട്ടി​ക​ള​ട​ക്കം നൂ​റി​ലേ​റെ​പ്പേ​ർ കൊ​ല്ല​പ്പെ​ട്ടു

ടെ​ൽ അ​വീ​വ്: ജ​നു​വ​രി 19ന് ​നി​ല​വി​ൽ​വ​ന്ന വെ​ടി​നി​ർ​ത്ത​ൽ ക​രാ​ർ ലം​ഘി​ച്ച് ഗാ​സ​യി​ൽ ഇ​സ്ര​യേ​ൽ വ്യാ​പ​ക വ്യോ​മാ​ക്ര​മ​ണം ന​ട​ത്തി. ഗാ​സ​യി​ലെ ഹ​മാ​സ് കേ​ന്ദ്ര​ങ്ങ​ൾ ല​ക്ഷ്യ​മാ​ക്കി​യാ​ണ് ആ​ക്ര​മ​ണം ന​ട​ന്ന​തെ​ന്ന് ഇ​സ്ര​യേ​ൽ സൈ​ന്യം അ​റി​യി​ച്ചു. കു​ട്ടി​ക​ൾ ഉ​ൾ​പ്പെ​ടെ നൂ​റി​ല​ധി​കം പേ​ർ മ​രി​ച്ച​താ​യാ​ണു റി​പ്പോ​ർ​ട്ട്.

മ​ധ്യ ഗാ​സ​യി​ലെ ദെ​യ്ർ അ​ൽ-​ബ​ലാ​യ്, ഗാ​സ സി​റ്റി, ഖാ​ൻ യൂ​നി​സ്, റ​ഫ എ​ന്നി​വി​ട​ങ്ങ​ളി​ലാ​ണ് രാ​ത്രി​യോ​ടെ വ്യോ​മാ​ക്ര​മ​ണം ന​ട​ന്ന​ത്. വെ​ടി​നി​ർ​ത്ത​ൽ നി​ല​വി​ൽ വ​ന്ന​ശേ​ഷം ഗാ​സ​യി​ൽ ന​ട​ന്ന ഏ​റ്റ​വും വ​ലി​യ ആ​ക്ര​മ​ണ​മാ​ണി​ത്.

ജ​നു​വ​രി​യി​ൽ യു​എ​സി​ന്‍റെ മ​ധ്യ​സ്ഥ​ത​യി​ൽ ദോ​ഹ​യി​ൽ ന​ട​ന്ന ച​ർ​ച്ച​യ്ക്കു പി​ന്നാ​ലെ​യാ​ണ് ഗാ​സ​യി​ൽ വെ​ടി​നി​ർ​ത്ത​ൽ ക​രാ​ർ നി​ല​വി​ൽ വ​ന്ന​ത്. വെ​ടി​നി​ർ​ത്ത​ൽ നീ​ട്ടാ​നു​ള്ള യു​എ​സ് നി​ർ​ദേ​ശം ഹ​മാ​സ് നി​ര​സി​ച്ച​തി​നെ​ത്തു​ട​ർ​ന്നാ​ണ് ഗാ​സ​യി​ൽ ഇ​സ്ര​യേ​ൽ വ്യോ​മാ​ക്ര​മ​ണം പു​ന​രാ​രം​ഭി​ച്ച​തെ​ന്നു പ്ര​ധാ​ന​മ​ന്ത്രി ബെ​ന്യാ​മി​ൻ നെ​ത​ന്യാ​ഹു​വി​ന്‍റെ ഓ​ഫീ​സ് അ​റി​യി​ച്ചു.

ആ​റാ​ഴ്ച നീ​ണ്ടു​നി​ന്ന ആ​ദ്യ ഘ​ട്ട വെ​ടി​നി​ർ​ത്ത​ലി​നു ശേ​ഷം ആ​രം​ഭി​ക്കേ​ണ്ടി​യി​രു​ന്ന ര​ണ്ടാം ഘ​ട്ട വെ​ടി​നി​ർ​ത്ത​ൽ ക​രാ​റി​നാ​യി ഇ​സ്ര​യേ​ലും ഹ​മാ​സും മ​ധ്യ​സ്ഥ ച​ർ​ച്ച​ക​ളി​ൽ ഏ​ർ​പ്പെ​ട്ടി​രു​ന്നെ​ങ്കി​ലും ഫ​ലം ക​ണ്ടി​രു​ന്നി​ല്ല.