എലി ശല്യം അതിക്രമിച്ച് കഴിഞ്ഞാൽ എന്താണ് ചെയ്യുക. സാധാരണ രീതിയിൽ കെണി വച്ച് അവയെ തുരത്തുകയാണ് പതിവ്. അല്ലെങ്കിൽ വിഷം നൽകി കൊല്ലാറുമുണ്ട്. എന്നാൽ ഇവിടെ സാധാരണയിൽ നിന്നും വ്യത്യസ്തമായി പെൺകുട്ടി ചെയ്തത് എലിയെ കടിച്ച് കൊല്ലുയാണ്. ചൈനയിലാണ് സംഭവം.
പെൺകുട്ടി കിഴക്കൻ ചൈനയിലെ ജിയാങ്സു പ്രവിശ്യയിലെ സർവകലാശാലയ ഹോസ്റ്റലിലായിരുന്നു താമസിച്ചിരുന്നത്. ഇവിടെ സ്ഥിരം ശല്യക്കാരനായ ഒരു എലിയുമുണ്ടായിരുന്നു. ഇതിനെ പിടിക്കാനുള്ള ശ്രമത്തിനിടെ പെൺകുട്ടിയുടെ കാൽ വിരലിൽ കടിച്ച് എലി കടന്നുകളഞ്ഞു.
ഇതോടെ പെൺകുട്ടിക്ക് വാശിയായി. തന്നെ കടിച്ച എലിയെ ഏത് വിധേനയും കൊല്ലണമെന്നായി. തുടർന്ന് എലിയെ കണ്ടെത്തുകയും അതിനെ കടിച്ച് കൊല്ലുകയും ചെയ്തു. എന്നാൽ ഫ്രീ പ്രസ് ജേണൽ റിപ്പോർട്ട് പ്രകാരം പെണ്‍കുട്ടി മുറുക്കി പിടിച്ചതിനാല്‍ എലി ശ്വാസംമുട്ടിയാണ് മരിച്ചതെന്നാണ് സൂചിപ്പിക്കുന്നത്.
എലിയെ കടിച്ച് കൊല്ലുന്നതിനിടെ പെണ്‍കുട്ടിയുടെ ചുണ്ടുകളിലും മുറിവേറ്റിരുന്നു. തുടർന്ന് കൃത്യസമയത്ത് പെൺകുട്ടിക്ക് ചികിത്സ നൽകുകയും ചെയ്തു.
