നെടുമ്പാശേരി: കൊച്ചി അന്താരാഷ്ട്ര വിമാനത്താവളം വഴി അനധികൃതമായി കടത്തുവാൻ കാപ്സ്യൂൾ രൂപത്തിൽ കൊണ്ടുവന്ന 48 ലക്ഷം രൂപയുടെ സ്വർണം എയർ കസ്റ്റംസ് ഇന്‍റലിജൻസ് വിഭാഗം പിടികൂടി.
ദുബായിൽനിന്നും കൊച്ചി അന്താരാഷ്ട്ര വിമാനത്താവളത്തിൽ എത്തിയ കൊടുങ്ങല്ലൂർ സ്വദേശി സഫീറാണ് ശരീരത്തിലൊളിപ്പിച്ചാണ് 1176 ഗ്രാം സ്വർണം അനധികൃതമായി കടത്തിക്കൊണ്ടുവന്നത്.
രാജ്യത്ത് സ്വർണവില അമിതമായി ഉയരുന്ന സാഹചര്യത്തിൽ കേരളത്തിലെ വിമാനത്താവളങ്ങൾ വഴി അനധികൃതമായി സ്വർണം കടത്തുന്നത് കൂടിയതോടെ എയർ കസ്റ്റംസ് ഇന്‍റലിജൻസ് വിഭാഗം കൊച്ചി അന്താരാഷ്ട്ര വിമാനത്താവളം ഉൾപ്പടെ എല്ലാ വിമാനത്താവളങ്ങളിലും പരിശോധനകൾ ശക്തമാക്കിയിരുന്നു.
മിക്ക ദിവസങ്ങളിലും നെടുന്പാശേരി വിമാനത്താവളത്തിൽനിന്ന് സ്വർണ കള്ളക്കടത്ത് പിടികൂടുന്നുണ്ട്.
