തിരുവനന്തപുരം: സ്വർണക്കടത്ത് കേസിലെ മുഖ്യപ്രതി സ്വപ്ന സുരേഷിന്‍റെ സുഹൃത്ത് സന്ദീപ് നായരുടെ ഭാര്യ കസ്റ്റംസ് കസ്റ്റഡിയിൽ. സ്വർണക്കടത്തിൽ ഇവർക്കും പങ്കുണ്ടെന്നാണ് സംശയം. സന്ദീപ് ഒളിവിലാണ്.
സന്ദീപിന്‍റെ വർക്ക്ഷോപ്പ് സ്പീക്കർ പി. ശ്രീരാമകൃഷ്ണൻ ഉദ്ഘാടനം ചെയ്യുന്നതിന്‍റെ ദൃശ്യങ്ങൾ കഴിഞ്ഞ ദിവസം പുറത്തുവന്നിരുന്നു. ചടങ്ങിൽ സ്വപ്നയും പങ്കെടുത്തിരുന്നു.
അതേസമയം ആരോപണങ്ങള്‍ക്ക് മറുപടിയുമായി ശ്രീരാമകൃഷ്ണന്‍ രംഗത്തെത്തിയിരുന്നു. സ്റ്റാര്‍ട്ട് അപ് സംരംഭത്തിന്‍റെ പരിപാടിയിലാണ് താന്‍ പങ്കെടുത്തതെന്നാണ് അദ്ദേഹം നല്‍കിയ വിശദീകരണം.
