കൊച്ചി: സംസ്ഥാനത്ത് പെട്രോള് വില വീണ്ടും വര്‍ധിച്ചു. ലിറ്ററിന് പത്ത് പൈസയുടെ വര്‍ധനവാണ് ഇന്ന് രേഖപ്പെടുത്തിയിട്ടുള്ളത്. ഇതോടെ കൊച്ചിയില്‍ പെട്രോള് വില ലിറ്ററിന് 82.29 രൂപയായപ്പോള്‍ ഡീസല്‍ വില 77.75 രൂപയില്‍ തുടരുകയാണ്.
ഇന്നലെയും പെട്രോള് വില പത്ത് പൈസ വര്‍ധിച്ചിരുന്നു. തിരുവനന്തപുരത്താകട്ടെ പെട്രോള് വില 83.76 രൂപയും ഡീസല്‍ വില 79.13 രൂപയുമാണ്.
സ്വര്‍ണവില ഇടിഞ്ഞു
കൊച്ചി: ഒരു ദിവസത്തെ കയറ്റത്തിനു പിന്നാലെ സംസ്ഥാനത്ത് സ്വര്‍ണവില കുത്തനെ ഇടിഞ്ഞു. ഗ്രാമിന് 50 രൂപയുടെയും പവന് 400 രൂപയുടെയും ഇടിവാണ് ഇന്നു രാവിലെ ഉണ്ടായിട്ടുള്ളത്.
ഇതോടെ സംസ്ഥാനത്ത് സ്വര്‍ണവില ഗ്രാമിന് 4,730 രൂപയും പവന് 37,840 രൂപയുമായി. ദിവസങ്ങള്‍ക്കുശേഷം ഇന്നലെ സ്വര്‍ണവില വര്‍ധിച്ചിരുന്നു. ഗ്രാമിന് 30 രൂപയുടെയും പവന് 240 രൂപയുടെയും വര്‍ധനവാണ് ഇന്നലെയുണ്ടായത്.
