സ്വർണക്കടത്ത് കാരിയറെ പിടികൂടാൻ  ക്വട്ടേഷൻ; ലു​ക്കൗ​ട്ട് നോ​ട്ടീ​സ് “പൊ​ട്ടി​ച്ച്’ സ്വ​ര്‍​ണ​ക്ക​ട​ത്ത് സം​ഘം; നാലുവർഷത്തിന് ശേഷം രണ്ടാം പ്രതി പൊങ്ങിയത് കോടതിവരാന്തയിൽ

സ്വ​ന്തം ലേ​ഖ​ക​ന്‍
കോ​ഴി​ക്കോ​ട് : തീ​വ്ര​വാ​ദ​പ്ര​വ​ര്‍​ത്ത​ന​ങ്ങ​ളു​ള്‍​പ്പെ​ടെ​യു​ള്ള കൊ​ടും കു​റ്റ​കൃ​ത്യ​ങ്ങ​ളി​ല്‍ വ​രെ ഉ​ള്‍​പ്പെ​ട്ട പ്ര​തി​ക​ളെ ക​ണ്ടെ​ത്തു​ന്ന​തി​നാ​യി പു​റ​പ്പെ​ടു​വി​ക്കു​ന്ന ലു​ക്കൗ​ട്ട് നോ​ട്ടീ​സ് ഭേ​ദി​ച്ച് ക്രി​മി​ന​ല്‍ സം​ഘം വി​ദേ​ശ​ത്ത് നി​ന്ന് എ​ത്തു​ന്ന​താ​യി ക​ണ്ടെ​ത്ത​ല്‍.

സ്വ​ര്‍​ണ​ക്ക​ട​ത്തു​മാ​യി ബ​ന്ധ​പ്പെ​ട്ടു കേ​ന്ദ്ര ഏ​ജ​ന്‍​സി​ക​ള്‍ അ​ന്വേ​ഷി​ക്കു​ന്ന പ്ര​തി​ക​ളും ലോ​ക്ക​ല്‍ പോ​ലീ​സ് അ​ന്വേ​ഷി​ക്കു​ന്ന പ്ര​തി​ക​ളു​മാ​ണ് കേ​ര​ള​ത്തി​ലെ​ത്തു​ന്ന​ത്.

ഏ​ഴ് വ​ര്‍​ഷം മു​മ്പു​ള്ള സ്വ​ര്‍​ണ​ക്ക​ട​ത്തു​മാ​യി ബ​ന്ധ​പ്പെ​ട്ട് കോ​ഴി​ക്കോ​ട് സി​റ്റി പോ​ലീ​സി​നു കീ​ഴി​ലെ പ്ര​ത്യേ​ക അ​ന്വേ​ഷ​ണ​സം​ഘം (എ​സ്‌​ഐ​ടി) പ്ര​തി​ചേ​ര്‍​ത്ത കൊ​ടു​വ​ള്ളി സ്വ​ദേ​ശി​യാ​യ യു​വാ​വ് കോ​ട​തി​യി​ല്‍ കീ​ഴ​ട​ങ്ങി​യി​രു​ന്നു.

പ്ര​തി വി​ദേ​ശ​ത്താ​ണെ​ന്നു സ്ഥി​രീ​ക​രി​ച്ച​തി​നെ തു​ട​ര്‍​ന്ന് എ​സ്‌​ഐ​ടി ലു​ക്കൗ​ട്ട് നോ​ട്ടീ​സ് പു​റ​പ്പെ​ടു​വി​ക്കു​ക​യും ചെ​യ്തു. എ​ന്നി​ട്ടും പ്ര​തി കോ​ട​തി​യി​ല്‍ കീ​ഴ​ട​ങ്ങാ​നെ​ത്തി​യ​താ​ണ് എ​സ്‌​ഐ​ടി​യെ ഞെ​ട്ടി​ച്ച​ത്.

നേ​ര​ത്തെ ഡ​യ​റ​ക്ട​റേ​റ്റ് ഓ​ഫ് റ​വ​ന്യൂ ഇ​ന്‍റലി​ജ​ന്‍​സ് (ഡി​ആ​ര്‍​ഐ) കോ​ഫേ​പോ​സ ചു​മ​ത്തി​യ പ്ര​തി​ക​ള്‍ നാ​ട്ടി​ല്‍ സൈ്വ​ര്യ​വി​ഹാ​രം ന​ട​ത്തു​ന്ന​താ​യി ക​ണ്ടെ​ത്തി​യി​രു​ന്നു.

അ​തേ​സ​മ​യം സ്വ​ര്‍​ണ​ക്ക​ട​ത്ത് കേ​സി​ന്‍റെ അ​ന്വേ​ഷ​ണം കൂ​ടാ​തെ പ്ര​തി എ​ങ്ങ​നെ ലു​ക്കൗ​ട്ട് നോ​ട്ടീ​സ് ഭേ​ദി​ച്ച് നാ​ട്ടി​ലെ​ത്തി​യെ​ന്ന​തി​ല്‍ അ​ന്വേ​ഷ​ണം ന​ട​ത്താ​നാ​ണ് എ​സ്‌​ഐ​ടി തീ​രു​മാ​നി​ച്ച​ത്.

വി​മാ​ന​ത്താ​വ​ള​ങ്ങ​ളി​ലും തു​റ​മു​ഖ​ങ്ങ​ളി​ലും വി​ദേ​ശ​ങ്ങ​ളി​ല്‍ നി​ന്നെ​ത്തു​ന്ന ക്രി​മി​ന​ല്‍ കേ​സു​ക​ളി​ല്‍ ഉ​ള്‍​പ്പെ​ട്ട​വ​രെ തി​രി​ച്ച​റി​യു​ന്ന​തി​നാ​യാ​ണ് അ​ന്വേ​ഷ​ണ ഏ​ജ​ന്‍​സി​ക​ള്‍ ലു​ക്കൗ​ട്ട് നോ​ട്ടീ​സ് പു​റ​പ്പെ​ടു​വി​ക്കു​ന്ന​ത്.

ഫോ​ട്ടോ​യു​ള്‍​പ്പെ​ടെ പാ​സ്‌​പോ​ര്‍​ട്ട് വി​വ​ര​ങ്ങ​ളും ആ​ധാ​ര്‍​കാ​ര്‍​ഡ് ന​മ്പ​റു​ക​ളും സ​ഹി​തം പു​റ​പ്പെ​ടു​വി​ക്കു​ന്ന ലു​ക്കൗ​ട്ട് നോ​ട്ടീ​സ് ഭേ​ദി​ച്ച് രാ​ജ്യ​ത്തി​ന​ക​ത്തെ വി​മാ​നത്താ​വ​ള​ത്തി​ല്‍ നി​ന്നും തു​റ​മു​ഖ​ങ്ങ​ളി​ല്‍ നി​ന്നും പ്ര​തി​ക​ള്‍​ക്ക് പു​റ​ത്തെ​ത്താ​ന്‍ ക​ഴി​യാ​റി​ല്ല.

എ​ന്നാ​ല്‍ സ്വ​ര്‍​ണ​ക്ക​ട​ത്ത് കേ​സു​ക​ളി​ലു​ള്‍​പ്പെ​ടെ​യു​ള്ള പ്ര​തി​ക​ള്‍ ഇ​ത്ത​ര​ത്തി​ല്‍ എ​ല്ലാ നി​യ​മ​ങ്ങ​ളും ക​ട​ന്ന് നാ​ട്ടി​ല്‍ എ​ത്തു​ന്നു​ണ്ടെ​ന്നാ​ണ് പോ​ലീ​സി​ന്‍റെ ക​ണ്ടെ​ത്ത​ല്‍.എ​സ്‌​ഐ​ടി അ​ന്വേ​ഷി​ക്കു​ന്ന സ്വ​ര്‍​ണ​ക്ക​ട​ത്ത് കേ​സി​ല്‍ ജൂ​ലൈ​യി​ല്‍ കൂ​ട്ടു​പ്ര​തി​യാ​യ ആ​വി​ലോ​റ സ്വ​ദേ​ശി​യെ ചോ​ദ്യം ചെ​യ്ത​തി​ല്‍ നി​ന്നും പ്ര​തി ദു​ബാ​യി​ലാ​ണെ​ന്ന് വി​വ​രം ല​ഭി​ച്ചി​രു​ന്നു.

പ്ര​തി​യു​ടെ നാ​ട്ടി​ല്‍ ന​ട​ത്തി​യ അ​ന്വേ​ഷ​ണ​ത്തി​ലും പ്ര​തി ദു​ബാ​യി​ലു​ണ്ടെ​ന്ന് അ​ന്വേ​ഷ​ണ​സം​ഘ​ത്തി​ന് വ്യ​ക്ത​മാ​യി. ലു​ക്കൗ​ട്ട്‌​നോ​ട്ടീ​സ് പു​റ​പ്പെ​ടു​വി​ച്ച​തി​നാ​ല്‍ വി​ദേ​ശ​ത്ത് നി​ന്ന് എ​ത്തു​മ്പോ​ള്‍ വി​മാ​ന​താ​വ​ള​ത്തി​ല്‍ ത​ട​ഞ്ഞു​വ​യ്ക്കു​ക​യും വി​വ​രം അ​റി​യി​ക്കു​ക​യും ചെ​യ്യു​മെ​ന്ന ക​ണ​ക്കു​കൂ​ട്ട​ലി​ലാ​യി​രു​ന്നു അ​ന്വേ​ഷ​ണ​സം​ഘം.

എ​ന്നാ​ല്‍ ഇ​തെ​ല്ലാം മ​റി​ക​ട​ന്നാ​ണ് പ്ര​തി ഇ​ന്ന​ലെ കു​ന്ന​മം​ഗ​ലം കോ​ട​തി​യി​ല്‍ ഹാ​ജ​രാ​യ​ത്. വി​ദേ​ശ​ത്ത് നി​ന്ന് രാ​ജ്യ​ത്തെ ഏ​ത് വി​മാ​ന​താ​വ​ള​ത്തി​ലി​റ​ങ്ങി​യാ​ലും പ്ര​തി​യെ തി​രി​ച്ച​റി​യാ​മെ​ന്നി​രി​ക്കെ ഇ​യാ​ള്‍ ഏ​ത് മാ​ര്‍​ഗം എ​ത്തി​യ​തെ​ന്നാ​ണ് അ​ന്വേ​ഷ​ണ​സം​ഘം ആ​ലോ​ചി​ക്കു​ന്ന​ത്.

അ​തേ​സ​മ​യം വി​ദേ​ശ​ത്താ​യി​രു​ന്നി​ല്ലെ​ന്ന് സ്ഥാ​പി​ക്കാ​നാ​ണ് പ്ര​തി ശ്ര​മി​ക്കു​ന്ന​തെ​ന്നാ​ണ് അ​ന്വേ​ഷ​ണ​സം​ഘം പ​റ​യു​ന്ന​ത്.
ത​ട​സ​ങ്ങ​ളി​ല്ലാ​തെ

നേ​പ്പാ​ള്‍ വ​ഴി
ക​ള്ള​പ്പ​ണ​വും ഹ​വാ​ല​യും നി​യ​ന്ത്രി​ക്കാ​ന്‍ കേ​ന്ദ്ര​സ​ര്‍​ക്കാ​ര്‍ വി​മാ​ന​ത്താവ​ള​ങ്ങ​ളി​ല്‍ അ​തി​സു​ര​ക്ഷാ പ​രി​ശോ​ധ​ന ശ​ക്ത​മാ​ക്കി​യ​തി​ന് പി​ന്നാ​ലെ ക​ള്ള​ക്ക​ട​ത്തു​കാ​ര്‍ നേ​പ്പാ​ള്‍ വ​ഴി​യാ​ണ് കേ​ര​ള​ത്തി​ലേ​ക്ക് എ​ത്തു​ന്ന​ത്.

കോ​ടി​ക​ളു​ടെ സ്വ​ര്‍​ണ​വും ഹ​വാ​ല​യും നേ​പ്പാ​ളി​ലെ കാ​ഠ്മ​ണ്ഡു വി​മാ​ന​താ​വ​ളം വ​ഴി യാ​തൊ​രു പ​രി​ശോ​ധ​ന​യു​മി​ല്ലാ​തെ വി​ദേ​ശ​ത്ത് നി​ന്ന് കേ​ര​ള​ത്തി​ലെ​ത്തു​ന്നു​ണ്ടെ​ന്ന് നേ​ര​ത്തെ ത​ന്നെ ക​ണ്ടെ​ത്തി​യി​രു​ന്നു. കേ​ന്ദ്ര-​സം​സ്ഥാ​ന ഏ​ജ​ന്‍​സി​ക​ള്‍ തി​രി​യു​ന്ന പ്ര​തി​ക​ളും നാ​ട്ടി​ലെ​ത്താ​ന്‍ ഇ​തേ മാ​ര്‍​ഗം ഉ​പ​യോ​ഗി​ക്കാ​നു​ള്ള സാ​ധ്യ​ത​യേ​റെ​യാ​ണെ​ന്ന നി​ഗ​മ​ന​ത്തി​ലാ​ണ് അ​ന്വേ​ഷ​ണ​സം​ഘം.

കാ​സ​ര്‍​ഗോ​ഡ് എം​ബ​സി
വ്യാ​ജ പാ​സ്‌​പോ​ര്‍​ട്ടു​ക​ള്‍ ഉ​പ​യോ​ഗി​ച്ചും വി​ദേ​ശ​രാ​ജ്യ​ങ്ങ​ളി​ല്‍ നി​ന്ന് മ​ല​യാ​ളി​ക​ള്‍ എ​ത്തി​യി​രു​ന്നു. വി​ദേ​ശ​ത്തേ​ക്കും ഇ​ത്ത​ര​ത്തി​ല്‍ പോ​യ​വ​രു​ണ്ട്. കാ​സ​ര്‍​ഗോ​ഡ് എം​ബ​സി എ​ന്ന പേ​രി​ലാ​യി​രു​ന്നു വ്യാ​ജ​പാ​സ്‌​പോ​ര്‍​ട്ട് നി​ര്‍​മി​ക്കു​ന്ന സം​ഘം പ്ര​വ​ര്‍​ത്തി​ച്ചി​രു​ന്ന​ത്.

കാ​ഞ്ഞ​ങ്ങാ​ട്, കാ​സ​ര്‍​ഗോ​ഡ് കേ​ന്ദ്രീ​ക​രി​ച്ച് പ്ര​വ​ര്‍​ത്തി​ച്ച ഇ​ത്ത​രം സം​ഘ​ത്തെ പോ​ലീ​സ് ക​ണ്ടെ​ത്തു​ക​യും പി​ന്നീ​ട് കേ​സ് ക്രൈം​ബ്രാ​ഞ്ചി​ന് കൈ​മാ​റു​ക​യും ചെ​യ്തി​ട്ടു​ണ്ട്. ഹോ​സ്ദു​ര്‍​ഗ് താ​ലൂ​ക്ക് ഓ​ഫീ​സി​ന്റെ വ്യാ​ജ​സീ​ല്‍, വി​വി​ധ സ്‌​കൂ​ളു​ക​ളു​ടെ വ്യാ​ജ​സീ​ല്‍ എ​ന്നി​വ നി​ര്‍​മി​ച്ച് സ​ര്‍​ട്ടി​ഫി​ക്ക​റ്റ് ഉ​ണ്ടാ​ക്കി വ്യാ​ജ​പാ​സ്‌​പോ​ര്‍​ട്ടു​ക​ള്‍ നി​ര്‍​മി​ക്കു​ക​യാ​യി​രു​ന്നു.

വ്യാ​ജ വി​ലാ​സ​ത്തി​ല്‍ കോ​ഴി​ക്കോ​ട് പാ​സ്‌​പോ​ര്‍​ട്ട് ഓ​ഫീ​സ് വ​ഴി നേ​രി​ട്ടും ഏ​ജ​ന്‍​സി​ക​ള്‍ വ​ഴി​യു​മാ​ണ് ഇ​വ​ര്‍ പാ​സ്‌​പോ​ര്‍​ട്ട് സ്വ​ന്ത​മാ​ക്കി​യ​ത്. പാ​സ്‌​പോ​ര്‍​ട്ട് അ​നു​വ​ദി​ച്ച​തി​ന് ശേ​ഷ​മാ​യി​രു​ന്നു വ്യാ​ജ​മാ​ണെ​ന്ന് ക​ണ്ടെ​ത്തി​യ​ത്.

സ​മാ​ന​മാ​യ രീ​തി​യി​ല്‍ മ​റ്റൊ​രാ​ളു​ടെ മേ​ല്‍​വി​ലാ​സ​ത്തി​ല്‍ പ്ര​തി എ​ത്തി​യി​രി​ക്കാ​നു​ള്ള സാ​ധ്യ​ത​യെ കു​റി​ച്ചും അ​ന്വേ​ഷ​ണ​സം​ഘം പ​രി​ശോ​ധി​ച്ചു​വ​രി​ക​യാ​ണ്.

കാ​രി​യ​റെ പി​ടി​കൂ​ടാ​ന്‍ ക്വ​ട്ടേ​ഷ​ന്‍ നൽകിയ പ്രതി കോടതിയിൽ കീഴടങ്ങി
കോ​ഴി​ക്കോ​ട്: സ്വ​ര്‍​ണ​വു​മാ​യെ​ത്തി​യ കാ​രി​യ​ര്‍ മു​ങ്ങി​യ​തി​നു പി​ന്നാ​ലെ പി​ടി​കൂ​ടാ​ന്‍ ക്രി​മി​ന​ല്‍ സം​ഘ​ത്തി​നു ക്വ​ട്ടേ​ഷ​ന്‍ ന​ല്‍​കി​യ കേ​സി​ലെ പ്ര​തി നാ​ട​കീ​യ​മാ​യി കീ​ഴ​ട​ങ്ങി.

വി​മാ​ന​ത്താവ​ള​ങ്ങ​ളി​ലും തു​റ​മു​ഖ​ങ്ങ​ളി​ലു​മു​ള്‍​പ്പെ​ടെ ലു​ക്കൗ​ട്ട് നോ​ട്ടീ​സ് പു​റ​പ്പെ​ടു​വി​ച്ച കൊ​ടു​വ​ള്ളി മാ​നി​പു​രം, ക​ള​രാ​ന്തി​രി സ്വ​ദേ​ശി പു​റാ​യി​ല്‍ മു​ഹ​മ്മ​ദ് ഷ​മീ​ര്‍ ആ​ണ് ഇ​ന്ന​ലെ കു​ന്ന​മം​ഗ​ലം കോ​ട​തി​യി​ല്‍ കീ​ഴ​ട​ങ്ങി​യ​ത്.

എങ്ങനെ കോടതിയിലെത്തി
നാ​ലു​ വ​ര്‍​ഷം പ്ര​തി വി​ദേ​ശ​ത്താ​യി​രു​ന്നു​വെ​ന്നാ​ണ് കേ​സ​ന്വേ​ഷി​ക്കു​ന്ന പ്ര​ത്യേ​ക അ​ന്വേ​ഷ​ണ​സം​ഘ​ത്തി​നു ല​ഭി​ച്ച വി​വ​രം. ലു​ക്കൗ​ട്ട് നോ​ട്ടീ​സ് പു​റ​പ്പെ​ടു​വി​ച്ച പ്ര​തി എ​ങ്ങ​നെ കോ​ട​തി​യി​ലെ​ത്തി​യെ​ന്ന​തു ദു​രൂ​ഹ​മാ​ണ്.

കേ​സ​ന്വേ​ഷ​ണ​ത്തി​ന്‍റെ ഭാ​ഗ​മാ​യി കൊ​ടു​വ​ള്ളി ക​ള​രാ​ന്തി​രി സ്വ​ദേ​ശി ഫൈ​സ​ലി​നെ ര​ണ്ടു മാ​സം മു​മ്പ് അ​ന്വേ​ഷ​ണം സം​ഘം പ്ര​തി​ചേ​ര്‍​ക്കാ​ന്‍ തീ​രു​മാ​നി​ച്ചി​രു​ന്നു.

അ​തി​നി​ടെ ഫൈ​സ​ലും മു​ങ്ങി. ഇ​ന്ന​ലെ കു​ന്ന​മം​ഗ​ലം കോ​ട​തി​യി​ല്‍ ഫൈ​സ​ലും ഷ​മീ​റി​നൊ​പ്പം കീ​ഴ​ട​ങ്ങി. ഇ​ന്ന​ലെ വൈ​കി​ട്ടോ​ടെ​യാ​ണ് ഇ​രു​വ​രും കോ​ട​തി​യി​ല്‍ കീ​ഴ​ട​ങ്ങി​യ​ത്. തു​ട​ര്‍​ന്ന് അ​ന്വേ​ഷ​ണ​സം​ഘം ക​സ്റ്റ​ഡി​യി​ല്‍ വാ​ങ്ങു​ന്ന​തി​നു​ള്ള ന​ട​പ​ടി​ക​ള്‍ സ്വീ​ക​രി​ച്ചി​ട്ടു​ണ്ട്.

ജ്യൂസ് ആയി സ്വർണം
2018 സ​പ്റ്റംബ​റി​ലാ​യി​രു​ന്നു കേ​സി​നാ​സ്പ​ദ​മാ​യ സം​ഭ​വം. കൊ​ടു​വ​ള്ളി സം​ഘം കാ​രി​യ​ര്‍ മു​ഖേ​ന ഒ​ന്ന​ര​കി​ലോ സ്വ​ര്‍​ണം നാ​ട്ടി​ലേ​ക്ക് അ​യ​ച്ചു. ജ്യൂ​സ് രൂ​പ​ത്തി​ല്‍ ലാ​യ​നി​യാ​ക്കി​യാ​യി​രു​ന്നു സ്വ​ര്‍​ണം അ​യ​ച്ച​ത്.

എ​ന്നാ​ല്‍ കാ​രി​യ​ര്‍ ഈ ​വി​വ​രം മ​റ്റൊ​രു​സം​ഘ​ത്തി​നെ അ​റി​യി​ച്ചു. കാ​രി​യ​ര്‍ ക​രി​പ്പൂ​രി​ല്‍ ഇ​റ​ങ്ങി സ്വ​ര്‍​ണ​ത്തി​നാ​യി കാ​ത്തു നി​ന്ന മു​ഹ​മ്മ​ദ് ഷ​മീ​ര്‍ ഉ​ള്‍​പ്പെ​ട്ട കൊ​ടു​വ​ള്ളി സം​ഘം അ​റി​യാ​തെ മ​റ്റൊ​രു സം​ഘ​ത്തി​നൊ​പ്പം ര​ക്ഷ​പ്പെ​ട്ടു.

സ്വർണം പിടിക്കാൻ
‌സ്വ​ര്‍​ണ​വു​മാ​യി ര​ക്ഷ​പ്പെ​ട്ട കാ​രി​യ​റെയും സം​ഘ​ത്തേ​യും തി​രി​ച്ച​റി​ഞ്ഞ കൊ​ടു​വ​ള്ളി സം​ഘം ഇ​വ​രെ പി​ടി​കൂ​ടാ​നും സ്വ​ര്‍​ണം വീ​ണ്ടെ​ടു​ക്കാ​നു​മാ​യി നി​ര​വ​ധി ക​വ​ര്‍​ച്ചാ കേ​സു​ക​ളി​ലെ പ്ര​തി​യാ​യ കാ​ക്ക​ ര​ഞ്ജി​ത്തിനു ക്വ​ട്ടേ​ഷ​ന്‍ ന​ല്‍​കി. ക്വ​ട്ടേ​ഷ​ന്‍ ഏ​റ്റെ​ടു​ത്ത കാ​ക്ക​ര​ഞ്ജി​ത്ത് കാ​രി​യ​റേ​യും ഒ​പ്പ​മു​ണ്ടാ​യി​രു​ന്ന കു​ന്ന​മം​ഗ​ലം സ്വ​ദേ​ശി​യാ​യ യു​വാ​വി​നേ​യും പി​ടി​കൂ​ടി.

ദി​വ​സ​ങ്ങ​ളോ​ളം കാ​സ​ര്‍​ഗോ​ഡ് ഉ​പ്പ​ള​യ്ക്ക് സ​മീ​പ​ത്തു​ള്ള വീ​ട്ടി​ല്‍ വ​ച്ച് മ​ര്‍​ദി​ക്കു​ക​യും ചെ​യ്തു. മ​ര്‍​ദ​ന​ത്തെ തു​ട​ര്‍​ന്ന് ത​ട്ടി​യെ​ടു​ത്ത സ്വ​ര്‍​ണം സം​ബ​ന്ധി​ച്ച് യു​വാ​വ് ക്വ​ട്ടേ​ഷ​ന്‍ സം​ഘ​ത്തി​ന് വി​വ​രം കൈ​മാ​റി. ഒ​രു​കി​ലോ സ്വ​ര്‍​ണം ഇ​വ​ര്‍ വീ​ണ്ടെ​ടു​ക്കു​ക​യും ചെ​യ്തു.

അ​തി​നി​ടെ യു​വാ​വി​നെ കാ​ണാ​താ​യ​തി​ന് പി​ന്നാ​ലെ അ​മ്മ കു​ന്ന​മം​ഗ​ലം പോ​ലീ​സി​ല്‍ പ​രാ​തി ന​ല്‍​കി. ഇ​തി​ന്‍റെ ഭാ​ഗ​മാ​യു​ള്ള അ​ന്വേ​ഷ​ണ​ത്തി​ലാ​ണ് സ്വ​ര്‍​ണ​ക്ക​ട​ത്ത് ബ​ന്ധ​ത്തക്കുറി​ച്ച് വ്യ​ക്ത​മാ​യ​ത്. സം​ഭ​വ​ത്തി​ല്‍ 12 പേ​ര്‍​ക്കെ​തി​രേ​യാ​യി​രു​ന്നു പോ​ലീ​സ് കേ​സെ​ടു​ത്ത​ത്.

ക​ഴി​ഞ്ഞ ജൂ​ലൈ​യി​ല്‍ കേ​സി​ലെ പ്ര​ധാ​നി​യാ​യ കൊ​ടു​വ​ള്ളി ആ​വി​ലോ​റ സ്വ​ദേ​ശി അ​ബൂ​ബ​ക്ക​റി​നെ പി​ടി​കൂ​ടി​യി​രു​ന്നു. ചോ​ദ്യം ചെ​യ്ത​തി​ല്‍ കോ​ട​തി​യി​ല്‍ ഇ​ന്ന​ലെ കീ​ഴ​ട​ങ്ങി​യ സ​മീ​ര്‍ ദു​ബാ​യി​ലാ​ണെ​ന്ന വി​വ​രം ല​ഭി​ച്ചു. കൂ​ടാ​തെ ഫൈ​സ​ലി​ന്‍റെ പ​ങ്കും വ്യ​ക്ത​മാ​വു​ക​യാ​യി​രു​ന്നു.