താ​ലി​മാ​ല​യും വ​ള​യും ക​മ്മ​ലും ഉ​ൾ​പ്പെ​ടെ ഏ​ഴു​പ​വ​ൻ സ്വ​ർ​ണാ​ഭ​ര​ണ​ങ്ങ​ൾ ധ​രി​ച്ചി​രുന്നു..! കോ​വി​ഡ് ബാധിച്ചു മ​രി​ച്ച സ്ത്രീ​യു​ടെ സ്വ​ർ​ണാ​ഭ​ര​ണ​ങ്ങ​ൾ ഒടുവില്‍ കണ്ടെത്തി…

അ​മ്പ​ല​പ്പു​ഴ: മെ​ഡി​ക്ക​ൽ കോ​ള​ജ് ആശു​പ​ത്രി​യി​ൽ കോ​വി​ഡ് ബാ​ധി​ച്ചു മ​രി​ച്ച സ്ത്രീ​യു​ടെ കാ​ണാ​താ​യ സ്വ​ർ​ണാ​ഭ​ര​ണ​ങ്ങ​ൾ ആ​ശു​പ​ത്രി​യി​ലെ ലോ​ക്ക​റി​ൽ ക​ണ്ടെ​ത്തി.

ഹ​രി​പ്പാ​ട് മു​ട്ടം ശ്രീ​കൈ​ലാ​സം വ​ത്സ​ല​കു​മാ​രി(59)യു​ടെ ഏ​ഴു​പ​വ​നോ​ളം വ​രു​ന്ന സ്വ​ർ​ണാ​ഭ​ര​ണ​ങ്ങ​ളാ​ണ് കോ​വി​ഡ് ഐസി യു​വി​നു മു​ന്നി​ലു​ള്ള ലോ​ക്ക​റി​ൽ​നി​ന്നു പോ​ലി​സ് ക​ണ്ടെ​ത്തി​യ​ത്.

കോ​വി​ഡ് ബാ​ധി​ച്ച് ക​ഴി​ഞ്ഞ 12 നാ​ണ് ആ​ല​പ്പു​ഴ മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ൽ പ്ര​വേ​ശി​പ്പി​ച്ച​ത്. തീ​വ്ര​പ​രി​ച​ര​ണ വി​ഭാ​ഗ​ത്തി​ൽ ക​ഴി​യ​വേ ക​ഴി​ഞ്ഞദി​വ​സ​മാ​ണ് മ​രി​ച്ച​ത്.

വ​ത്സ​ല​കു​മാ​രി​യെ ആ​ശു​പ​ത്രി​യി​ൽ പ്ര​വേ​ശി​പ്പി​ക്കു​മ്പോ​ൾ താ​ലി​മാ​ല​യും വ​ള​യും ക​മ്മ​ലും ഉ​ൾ​പ്പെ​ടെ ഏ​ഴു​പ​വ​ൻ സ്വ​ർ​ണാ​ഭ​ര​ണ​ങ്ങ​ൾ ധ​രി​ച്ചി​രു​ന്ന​താ​യി ബ​ന്ധു​ക്ക​ൾ പ​റ​യു​ന്നു. ഇ​തു ബ​ന്ധു​ക്ക​ളെ തി​രി​ച്ചേ​ൽ​പ്പി​ച്ചി​രു​ന്നി​ല്ല.

തു​ട​ർ​ന്നാ​ണ് ബ​ന്ധു​ക്ക​ൾ ആ​ശു​പ​ത്രി സു​പ്ര​ണ്ട് ആ​ർ.​എം. രാം​ലാ​ലി​നു പ​രാ​തി ന​ൽ​കി​യ​ത്. സൂ​പ്ര​ണ്ടി​ന്‍റെ നി​ർ​ദേശാ​നു​സ​ര​ണം പ്രാ​ഥ​മി​ക അ​ന്വേ​ഷ​ണം ന​ട​ത്തി​യെ​ങ്കി​ലും ആ​ഭ​ര​ണ​ങ്ങ​ൾ ക​ണ്ടെ​ത്താ​നാ​യി​ല്ല.

തു​ട​ർ​ന്നാ​ണ് സൂ​പ്ര​ണ്ട് ജി​ല്ലാ ക​ള​ക്ട​ർ​ക്കും അ​മ്പ​ല​പ്പു​ഴ പോ​ലീ​സി​നും പ​രാ​തി ന​ൽ​കി​യ​ത്. അ​മ്പ​ല​പ്പു​ഴ ഡി​വൈഎ​സ്പി ​സു​രേ​ഷ് കു​മാ​റി​ന്‍റെ നേ​തൃ​ത്വ​ത്തി​ൽ സിഐ വി​നോ​ദ് കു​മാ​ർ, എ​സ് ഐ ​ഹാ​ഷിം എ​ന്നി​വ​ര​ട​ങ്ങു​ന്ന പ്ര​ത്യേ​ക സം​ഘം അ​ന്വേ​ഷ​ണം ന​ട​ത്തി​യാ​ണ് ലോ​ക്ക​റി​ൽ നി​ന്ന് ആ​ഭ​ര​ണ​ങ്ങ​ൾ ക​ണ്ടെ​ടു​ത്ത​ത്.

കോ​വി​ഡ് ബാ​ധി​ച്ച് ചി​കി​ത്സ​യി​ൽ പ്ര​വേ​ശി​പ്പി​ക്കു​ന്ന രോ​ഗി​ക​ളു​ടെ ആ​ഭ​ര​ണ​ങ്ങ​ളും മ​റ്റ് വി​ല​പി​ടി​പ്പു​ള്ള വ​സ്തു​ക്ക​ളും ജീ​വ​ന​ക്കാ​ർ ബ​ന്ധു​ക്ക​ളെ രേ​ഖാ​മൂ​ലം ഏ​ൽ​പ്പി​ക്കു​ക​യോ പ്ര​ത്യേ​കം സ​ജ്ജീ​ക​രി​ച്ചി​ട്ടു​ള്ള ലോ​ക്ക​റി​ൽ സൂ​ക്ഷി​ക്കു​ക​യോ വേ​ണം. ലോ​ക്ക​റി​ൽ സൂ​ക്ഷി​ക്കു​ന്ന വ​സ്തു​ക്ക​ളു​ടെ രേ​ഖ​ക​ൾ ര​ജി​സ്റ്റ​റി​ൽ സൂ​ക്ഷി​ക്കേ​ണ്ട​താ​ണ്.

ജീ​വ​ന​ക്കാ​ർ ഇ​ത് കൃ​ത്യ​മാ​യി ര​ജി​സ്റ്റ​റി​ൽ സൂ​ക്ഷി​ച്ചി​രു​ന്നി​ല്ല.​ രോ​ഗി ആ​ശു​പ​ത്രി വി​ട്ടു​പോ​കു​ക​യോ, മ​ര​ണ​പ്പെ​ടു​ക​യോ ചെ​യ്താ​ൽ ര​ജി​സ്റ്റ​റി​ലെ രേ​ഖ​ക​ൾ പ​രി​ശോ​ധി​ച്ചാ​ണ് വി​ല​പി​ടി​പ്പു​ള്ള വ​സ്തു​ക്ക​ൾ കൈ​മാ​റു​ന്ന​ത്. ഇ​ങ്ങ​നെ ര​ജി​സ്റ്റ​റി​ൽ സൂ​ക്ഷി​ക്കാ​തെ വ​ന്ന​താ​ണ് വ​ത്സ​ല​കു​മാ​രി​യു​ടെ ആ​ഭ​ര​ണ​ങ്ങ​ൾ ബ​ന്ധു​ക്ക​ൾ​ക്കു ല​ഭി​ക്കാ​തി​രി​ക്കാ​ൻ കാ​ര​ണ​മാ​യി ക​രു​തു​ന്ന​ത്. എ​ന്നാ​ൽ ആ​ഭ​ര​ണ​ങ്ങ​ൾ ന​ഷ്ടപ്പെ​ട്ട് ദി​വ​സ​ങ്ങ​ൾ​ക്കു ശേ​ഷ​മാ​ണ് ലോ​ക്ക​റി​ൽ​നി​ന്നു പോ​ലീ​സി​ന്‍റെ നേ​തൃ​ത്വ​ത്തി​ൽ ക​ണ്ടെ​ടു​ത്ത​ത്. ല​ക്ഷ​ങ്ങ​ൾ വി​ല​മ​തി​ക്കു​ന്ന ആ​ഭ​ര​ണ​ങ്ങ​ൾ കാ​ണാ​നി​ല്ലെ​ന്ന പ​രാ​തി ഉ​ണ്ടാ​യി​ട്ടും ലോ​ക്ക​ർ പ​രി​ശോ​ധി​ക്കാ​നു​ള്ള താ​ത്പ​ര്യം ജീ​വ​ന​ക്കാ​ർ കാ​ണി​ച്ചി​ല്ലെ​ന്നു​ള്ള​തി​ലും ദു​രൂ​ഹ​ത നി​ല​നി​ൽ​ക്കു​ക​യാ​ണ്.

എ​ന്നാ​ൽ തു​മ്പോ​ളി വാ​ല​യി​ൽ വീ​ട്ടി​ൽ ജോ​സ​ഫി​ന്‍റെ ഭാ​ര്യ ആ​നി ജോ​സ​ഫി(58)ന്‍റെ ര​ണ്ട​ര​പ്പ​വ​ന്‍റെ മാ​ല​ ആ​ശു​പ​ത്രി​യി​ൽ ന​ഷ്ട​പ്പെ​ട്ട​താ​യി പ​രാ​തി​യു​ണ്ട്. ഇ​തുസം​ബ​ന്ധി​ച്ചു​ള്ള അ​ന്വേ​ഷ​ണവും ന​ട​ന്നു​വ​രി​ക​യാ​ണ്.