ആലപ്പുഴ: രാഷ്ട്രീയ കേരളത്തിന്‍റെ വീരാംഗന കെ.ആർ. ഗൗരിയമ്മ 99-ാം വയസിലേക്ക്. മിഥുനമാസത്തിലെ തിരുവോണ നാളായ ചൊവ്വാഴ്ചയാണ് ഗൗരിയമ്മയുടെ 99-ാം പിറന്നാൾ. പതിവുപോലെ ചാത്തനാട് റോട്ടറി ഹാളിലാണ് പിറന്നാൾ ആഘോഷ പരിപാടികൾ സംഘടിപ്പിച്ചിരിക്കുന്നത്. രാവിലെ 11ന് ഗൗരിയമ്മ കേക്ക് പിറന്നാൾ മധുരം പങ്കിടും.
ആഘോഷത്തിന് പ്രത്യേകമായി ആരെയും ക്ഷണിച്ചിട്ടില്ല. അറിഞ്ഞെത്തുന്നവരുടെ ഒപ്പമാണ് ആലപ്പുഴക്കാരുടെ കുഞ്ഞമ്മയുടെ പിറന്നാൾ ആഘോഷം. ചൊവ്വാഴ്ചയാണ് പിറന്നാളെങ്കിലും ഗൗരിയമ്മയുടെ വസതിയായ കളത്തിപറന്പ് വീട് നേരത്തെ തന്നെ പിറന്നാൾ ആവേശത്തിലായി കഴിഞ്ഞു. ഗൗരിയമ്മയ്ക്ക് ആശംസയും സമ്മാനങ്ങളുമായി നിരവധിപ്പേരാണ് വീട്ടിലെത്തുന്നത്. അന്പലപ്പുഴ പാൽപ്പാസയമടങ്ങുന്ന സദ്യയാണ് ഗൗരിയമ്മയുടെ പിറന്നാൾ ആഘോഷ ഭാഗമായി ഒരുക്കിയിരിക്കുന്നത്.
