നാദാപുരം: വാണിമേല്‍ വെള്ളിയോട് ആള്‍ താമസമില്ലാത്ത വീട്ടില്‍ സൂക്ഷിച്ച നിലയില്‍ നാടന്‍ റിവോള്‍വര്‍ കണ്ടെത്തി.വെള്ളിയോട്ടെ തറോല്‍ മത്തത്ത് നൗഫലിന്‍റെ നിര്‍മാണം നടക്കുന്ന വീടിന്‍റെ സ്റ്റോര്‍ റൂമിനകത്ത് തുണിയില്‍ പൊതിഞ്ഞ നിലയിലായിരുന്നു റിവോള്‍വര്‍. വളയം എസ് ഐ പി.ജി.രാംജിത്തിന് ലഭിച്ച രഹസ്യ വിവരത്തെ തുടര്‍ന്ന് ഇന്നലെ രാത്രി പത്തിന് നടത്തിയ പരിശോധനയിലാണ് തോക്ക് കണ്ടെത്തിയത്.
ആറ് സെന്‍റിമീറ്ററോളം നീളമുള്ള തോക്കില്‍ ആറ് തിരകള്‍ ഉഫയോഗിക്കാം എന്നാല്‍ തിരകള്‍ ഒന്നും തോക്കില്‍ നിന്ന് ലഭിച്ചിട്ടില്ല.വളയം പോലീസ് കേസെടുത്ത് അന്വേഷണം ആരംഭിച്ചു.കഴിഞ്ഞ ദിവസങ്ങളില്‍ മലയോര മേഖലകള്‍ കേന്ദ്രീകരിച്ച് പോലീസ് മാവോയിസ്റ്റുകള്‍ക്കായി റെയ്ഡ് നടത്തിയിരുന്നു.ഇതിനിടയില്‍ ഉപേക്ഷിച്ചതാകാമെന്നാണ് നിഗമനം.
