തളിപ്പറമ്പ്: മയക്കുമരുന്ന് മാഫിയാ സംഘമെന്ന് സംശയിക്കുന്ന ഒരു സംഘം യുവാവിനെ വീട്ടിൽ കയറി വെട്ടിപരിക്കേൽപ്പിച്ചു. പുളിന്പറന്പ് തോട്ടോറന്പിലെ ജസ്റ്റിൻ ഉല്ലാസി (32) നാണ് വെട്ടേറ്റത്.
ഇന്നു പുലർച്ചെ ഒന്നോടെയായിരുന്നു സംഭവം. ഗുരുതരമായി പരിക്കേറ്റ ജസ്റ്റിൻ ഉല്ലാസിനെ തളിപ്പറന്പ് സഹകരണ ആശുപത്രിയിൽ പ്രവേശിപ്പിച്ചു.
പുലർച്ചെ വീട്ടിലെത്തിയ ഒരു സംഘം വീട്ടിൽ അതിക്രമിച്ചു കയറുകയും ജസ്റ്റിനെ വെട്ടിപരിക്കേൽപ്പിച്ച ശേഷം വീട്ടുകാരെ ഭീഷണിപ്പെടുത്തുകയും വീട്ടുപകരണങ്ങൾ അടിച്ചു തകർക്കുകയും ചെയ്തു.
നേരത്തെ പ്രദേശത്ത് രണ്ടു സംഘങ്ങൾ തമ്മിൽ സംഘർഷമുണ്ടായിരുന്നു. ഞായറാഴ്ച രാത്രിയും ചെറിയ തോതിൽ പ്രശ്നങ്ങൾ ഉണ്ടായിരുന്നു.
