കോട്ടയം: നഗരത്തിലെ ഒരു കേന്ദ്രത്തിൽ നിന്ന് നാലു ചാക്ക് ഹാൻസ് പിടികൂടി. നാലു പേരെ അറസ്റ്റു ചെയ്തു. കോട്ടയം വെസ്റ്റ് പോലീസ് ആണ് ഹാൻസ് വേട്ട നടത്തിയത്. ഇന്നു രാവിലെയാണ് രഹസ്യ വിവരത്തെ തുടർന്ന പോലീസ് സംഘം ഹാൻസ് സൂക്ഷിച്ചിരുന്ന കേന്ദ്രത്തിലെത്തി പരിശോധന നടത്തിയത്. പിടിയിലായ നാലുപേർക്കും ഹാൻസ് വിൽപനയുമായി ബന്ധമുണ്ടോ എന്നു പരിശോധിച്ചു വരുന്നതേയുള്ളു.
നാലായിരത്തോളം പായ്ക്കറ്റുകളുണ്ടെന്നാണ് പ്രാഥമിക വിലയിരുത്തൽ. പിടിയിലായവരിൽ നിന്ന് ലഭിച്ച വിവരങ്ങളുടെ അടിസ്ഥാനത്തിൽ മറ്റു ചില കേന്ദ്രങ്ങളിലും റെയ്ഡ് നടത്തേണ്ടി വരുമെന്നും അതിനാൽ അറസ്റ്റ് വിവരങ്ങൾ പിന്നീട് നല്കാമെന്നുമാണ് പോലീസ് പറയുന്നത്.
