ഹരികൃഷ്ണൻസിൽ പലര്‍ക്കും പലതും ഞാന്‍ അഭിനയിച്ചു കാണിക്കുന്നത് തുടക്കം മുതലേ ജൂഹി ചൗള ശ്രദ്ധിക്കുന്നുണ്ടായിരുന്നു. ഒരു ദിവസം അവര്‍ ലാലിനോടും മമ്മൂട്ടിയോടും പറഞ്ഞു,
ഒരുപാട് സംവിധായകരെ കണ്ടിട്ടുണ്ട്. പക്ഷെ ഇങ്ങനെ അഭിനയിച്ചു കാണിക്കുന്ന ആരുമില്ല എന്ന്. ആ സമയത്ത് ഏതോ സിനിമയുമായി ബന്ധപ്പെട്ട് ഊട്ടിയിലുള്ള ഷാരൂഖ് ഖാനോടും ജൂഹി ഈ വിവരം പറഞ്ഞു.
അടുത്ത ദിവസം ഷാരൂഖ് ഖാന്‍ ഹരികൃഷ്ണന്‍സിന്‍റെ ലൊക്കേഷനിലെത്തി. സര്‍ എനിക്കീ സിനിമയില്‍ ഒരു ഷോട്ടെങ്കിലും വേണം, എപ്പോള്‍ വിളിച്ചാലും വരാമെന്നു പറഞ്ഞു.
ബോളിവുഡിന്‍റെ മെഗാ താരമാണ് ഓഫര്‍ തരുന്നത്. എന്ത് ചെയ്യും? ഒടുവില്‍ എന്‍റെ മനസിലൊരു വഴി തെളിഞ്ഞു. ഹരിക്കാണോ കൃഷ്ണനാണോ മീര എന്ന ആകാംക്ഷ കത്തി നില്‍ക്കുമ്പോള്‍ ഷാരൂഖ് വന്ന് മീരയെ സ്വന്തമാക്കുന്നതായി ഒരു ക്ലൈമാക്‌സ്.
അതിന്‍റെ ചില സ്റ്റില്ലുകളും എടുത്തു. അപ്പോള്‍ അടുത്ത പ്രശ്‌നം. ഷാരൂഖ് ഖാന്‍ സിനിമയിലുണ്ടെന്ന വാര്‍ത്ത പരക്കുന്നതോടെ പ്രേക്ഷകര്‍ ഈ ക്ലൈമാക്‌സ് പ്രതീക്ഷിക്കും.
അതു പടത്തിന്‍റെ കഥാഗതിയിലുള്ള കൗതുകം മുഴുവന്‍ നശിപ്പിക്കും. അങ്ങനെ ഹരികൃഷ്ണന്‍സിനെ രക്ഷപ്പെടുത്താന്‍ ഷാരൂഖിനെ ഒഴിവാക്കി. -ഫാസില്‍
