തിരുവനന്തപുരം: കെഎസ്ആര്‍ടിസിയുടെ കേസുകൾ സുപ്രീംകോടതിയിൽ വാദിക്കുന്നതിൽനിന്ന് അഡ്വ. ഹാരിസ് ബീരാനെ ഒഴിവാക്കി. മുഖ്യമന്ത്രിയുടെ നിർദേശത്തിന്‍റെ അടിസ്ഥാനത്തിലാണ് ബീരാനെ മാറ്റിയത്. ഡിജിപി ടി.പി. സെൻകുമാറിനു വേണ്ടി സുപ്രീംകോടതിയിൽ കേസ് വാദിച്ചതിന്‍റെ പശ്ചാത്തലത്തിലാണ് ബീരാനെ ഒഴിവാക്കുന്നതെന്നാണു സൂചന.
പത്തുവർഷത്തിലേറെയായി സുപ്രീംകോടതിയിൽ കെഎസ്ആര്‍ടിസിയുടെ കേസുകൾ വാദിച്ചിരുന്നതു ഹാരിസ് ബീരാനാണ്.ഹൈക്കോടതിയിലെ സ്റ്റാൻഡിംഗ് കൗണ്‍സിലായ ജോണ് മാത്യുവിനെ ഒഴിവാക്കാനും സർക്കാർ തീരുമാനിച്ചിട്ടുണ്ട്.
