സലീം കുമാറിനെ ഓര്‍ക്കുമ്പോള്‍ മനസിലേക്ക് വരുന്നത് പറക്കും തളികയാണ്. ഒരു വണ്ടിയുടെ മുകളില്‍ നിന്നു വേറൊരു വണ്ടിയിലേക്ക് വീഴുന്നതൊക്കെ ഭയങ്കര റിസ്‌ക്കിയായിട്ടുള്ള ഷോട്ടായിരുന്നു.
ഞങ്ങളൊന്നിച്ച് ചെയ്ത സിനിമകളില്‍ ഏറെ പ്രധാനപ്പെട്ടത് ആ സിനിമതന്നെയാണ്. ഹനീഫിക്കയെ ഓര്‍ക്കുമ്പോള്‍ സത്യം ശിവം സുന്ദരം, പഞ്ചാബിഹൗസ് തുടങ്ങിയ സിനിമകളാണ് പെട്ടെന്ന് മനസില്‍ വരുന്നത്.
മാനത്തെ കൊട്ടാരത്തിലാണ് ദിലീപും ഞാനും ആദ്യമായി ഒന്നിച്ച് അഭിനയിക്കുന്നത്. ജഗതിച്ചേട്ടന്‍റെ അഭിനയം നമ്മൾ നോക്കി നിന്നുപോകും. റിഹേഴ്‌സല്‍ സമയത്തെ പോലെയായിരിക്കില്ല അദ്ദേഹം ടേക്കില്‍ കാണിക്കുന്നത്.
കൈയില്‍നിന്നും പുള്ളി കുറേ കാര്യങ്ങള്‍ എടുത്തങ്ങ് ചെയ്യും. എന്‍റെ സീന്‍ കണ്ട് മറ്റുള്ളവര്‍ ടേക്കിലൊക്കെ ചിരിച്ച സംഭവങ്ങളുണ്ടായിട്ടുണ്ട്. എനിക്ക് അങ്ങനെ അഭിനയിക്കുന്നതിനിടെ ചിരി വന്നിട്ടില്ലെന്ന് ഹരിശ്രീ അശോകന്‍ പറഞ്ഞു.
