ഹ​രി​ത പെ​രു​മാ​റ്റ​ച്ച​ട്ട​ത്തി​ല്‍ കുടിവെള്ളം കിട്ടാതെ ഉ​ദ്യോ​ഗ​സ്ഥ​ര്‍ ദാ​ഹി​ച്ചു വ​ല​ഞ്ഞു

പ​യ്യ​ന്നൂ​ര്‍: പോ​ളിം​ഗ് സ്‌​റ്റേ​ഷ​നു​ക​ളി​ല്‍ ഹ​രി​ത​പെ​രു​മാ​റ്റ​ച്ച​ട്ടം ന​ട​പ്പി​ലാ​ക്കി​യ​പ്പോ​ള്‍ പോ​ളിം​ഗ് ഡ്യൂ​ട്ടി​ക്കാ​യി നി​യോ​ഗി​ക്ക​പ്പെ​ട്ട ഉ​ദ്യോ​ഗ​സ്ഥ​ര്‍ മ​ണി​ക്കൂ​റു​ക​ളോ​ളം ദാ​ഹി​ച്ചു വ​ല​ഞ്ഞു. പോ​ളിം​ഗ് സ്‌​റ്റേ​ഷ​നു​ക​ളി​ല്‍ കു​ടി​വെ​ള്ള സൗ​ക​ര്യ​മൊ​രു​ക്കാ​ത്ത​താ​ണ് ഉ​ദ്യോ​ഗ​സ്ഥ​രെ വ​ല​ച്ച​ത്.

രാ​വി​ലെ പോ​ളിം​ഗ് സാ​മ​ഗ്രി​ക​​ള്‍ കൈ​പ്പ​റ്റാ​നാ​യി പ​യ്യ​ന്നൂ​ര്‍ ബോ​യ്‌​സ് ഹൈ​സ്‌​കൂ​ളി​ലെ​ത്തി​യ പ​ല​രും വീ​ടു​ക​ളി​ല്‍​നി​ന്നും പ്ലാ​സ്റ്റി​ക് കു​പ്പി​ക​ളി​ല്‍ നി​റ​ച്ച വെ​ള്ള​വു​മാ​യാ​ണെ​ത്തി​യ​ത്. ബോ​യ്‌​സ് ഹൈ​സ്‌​കൂ​ളി​ലും പെ​രു​മാ​റ്റ​ച്ച​ട്ട​മു​ള്ള​തി​നാ​ല്‍ വെ​ള്ള​ക്കു​പ്പി​ക​ള്‍ അ​വി​ടെ​ത്ത​ന്നെ ഉ​പേ​ക്ഷി​ക്കേ​ണ്ടി​വ​ന്നു. എ​ങ്കി​ലും ബോ​യ്‌​സ് ഹൈ​സ്‌​കൂ​ളി​ല്‍ കു​ടി​വെ​ള്ള​ത്തി​നു​ള്ള സൗ​ക​ര്യ​മൊ​രു​ക്കി​യി​രു​ന്ന​തി​നാ​ല്‍ മ​റ്റു ബു​ദ്ധി​മു​ട്ടു​ക​ളൊ​ന്നും ഉ​ദ്യോ​ഗ​സ്ഥ​ര്‍​ക്കു​ണ്ടാ​യി​ല്ല.

എ​ന്നാ​ല്‍ ഉ​ച്ച​യോ​ടെ വി​വി​ധ പോ​ളിം​ഗ് സ്‌​റ്റേ​ഷ​നി​ലെ​ത്തി​യ​വ​ര്‍​ക്കാ​ണു മ​ണി​ക്കൂ​റു​ക​ളോ​ളം കു​ടി​വെ​ള്ളം പോ​ലും കി​ട്ടാ​തെ വ​ന്ന​ത്. പ്ലാ​സ്റ്റി​ക് കു​പ്പി​ക​ള്‍​ക്കും പ്ലാ​സ്റ്റി​ക് ഗ്ലാ​സു​ക​ള്‍​ക്കും നി​രോ​ധ​ന​മു​ള്ള​തി​നാ​ല്‍ മ​റ്റു സൗ​ക​ര്യ​ങ്ങ​ള്‍ ഉ​പ​യോ​ഗ​പ്പെ​ടു​ത്താ​നും പ​റ്റാ​ത്ത അ​വ​സ്ഥ​യു​മാ​യി.

രാ​മ​ന്ത​ളി ഹ​യ​ര്‍​സെ​ക്ക​ൻ​ഡ​റി സ്‌​കൂ​ളി​ല്‍ തെ​ര​ഞ്ഞെ​ടു​പ്പ് ഡ്യൂ​ട്ടി​ക്കാ​യി നി​യോ​ഗി​ക്ക​പ്പെ​ട്ട മു​പ്പ​തോ​ളം പേ​ര്‍ വൈ​കു​ന്നേ​രം ആ​റ​ര​യോ​ടെ വി​ല്ലേ​ജ് ഓ​ഫീ​സ​ര്‍ കു​ടി​വെ​ള്ള​മെ​ത്തി​ക്കു​ന്ന​തു​വ​രെ ദാ​ഹി​ച്ചു വ​ല​യേ​ണ്ടി​വ​ന്നു. മ​റ്റു പോ​ളിം​ഗ് സ്റ്റേ​ഷ​നു​ക​ളി​ലും സ്ഥി​തി വ്യ​ത്യ​സ്ത​മാ​യി​രു​ന്നി​ല്ല.