കോട്ടയം: സംസ്ഥാനത്ത് ചൊവ്വാഴ്ച യുഡിഎഫ് ഹർത്താലെന്ന് സാമൂഹ്യമാധ്യമങ്ങൾ വഴി വ്യാപക പ്രചരണം. തിങ്കളാഴ്ച രാവിലെ മുതലാണ് പ്രമുഖ ചാനലിന്‍റെ പഴയ സ്ക്രോളിന്‍റെ സ്ക്രീൻ ഷോട്ട് ചിത്രം ഉൾപ്പെടെ ചൊവ്വാഴ്ച യുഡിഎഫ് ഹർത്താലെന്ന വാർത്ത പ്രചരിക്കാൻ തുടങ്ങിയത്.
സംസ്ഥാനസർക്കാരിന്‍റെ മദ്യനയത്തിൽ പ്രതിഷേധിച്ച് ചൊവ്വാഴ്ച യുഡിഎഫ് ഹർത്താലെന്നാണ് സാമൂഹ്യമാധ്യമങ്ങൾ വഴി പ്രചരിക്കുന്നത്. എന്നാൽ ഈ വാർത്ത അടിസ്ഥാനരഹിതമാണെന്ന് കോട്ടയം ഡിസിസി പ്രസിഡന്‍റ് ജോഷി ഫിലിപ്പ് ദീപികയോട് പറഞ്ഞു.
