കോട്ടയം: പ്രണയ വിവാഹത്തെ തുടര്‍ന്ന് തട്ടിക്കൊണ്ട് പോകപ്പെട്ട യുവാവ് കൊല്ലപ്പെട്ട സംഭവത്തില്‍ പ്രതിഷേധിച്ച് കോട്ടയം ജില്ലയില്‍ ചൊവ്വാഴ്ച ഹര്‍ത്താല്‍. ബിജെപിയാണ് ഹര്‍ത്താലിന് ആഹ്വാനം ചെയ്തത്. രാവിലെ ആറു മുതല്‍ വൈകുന്നേരം ആറുവരെയാണ് ഹര്‍ത്താല്‍.
നവവരനെ തട്ടിക്കൊണ്ടു പോകാന്‍ പോലീസിന്റെ ഒത്താശ ഉണ്ടായിരുന്നെന്നും പ്രതികളില്‍ നിന്ന് പോലീസ് പണം കൈപ്പറ്റിയെന്നും ആരോപണമുയര്‍ന്നിരുന്നു. കെവിന്റെ ഭാര്യ നീനുവിന്റെ പരാതി അന്വേഷിക്കുന്നതില്‍ ഗാന്ധിനഗര്‍ പോലീസ് വീഴ്ചവരുത്തി എന്ന ആരോപണമുയര്‍ന്ന സാഹചര്യത്തില്‍ എസ്‌ഐ, എസ്‌ഐ, കോട്ടയം എസ്പി തുടങ്ങിയവര്‍ക്കെതിരെ സസ്‌പെന്‍ഷന്‍, ട്രാന്‍സ്ഫര്‍ തുടങ്ങിയ നടപടികളും സ്വീകരിച്ചിട്ടുണ്ട്.
പ്രതിപക്ഷ നേതാക്കളുടെ നേതൃത്വത്തില്‍ വലിയ രീതിയിലുള്ള പ്രതിഷേധമാണ് ഗാന്ധിനഗര്‍ പോലീസ് സ്‌റ്റേഷനിലും പരിസരത്തും നടന്നു വരുന്നത്.
