നേരത്തെ തിരിച്ചറിഞ്ഞാൽ നിയന്ത്രിതമാക്കാം

പാ​ര​മ്പ​ര്യ​മാ​യി പ്ര​മേ​ഹം ഉ​ണ്ടെ​ങ്കി​ൽ അ​മി​ത​മാ​യ ക്ഷീ​ണം, കൂ​ടു​ത​ൽ മൂ​ത്രം പോ​കു​ക, ശ​രീ​ര​ത്തി​ൽ ഉ​ണ്ടാ​കു​ന്ന മു​റി​വു​ക​ൾ ക​രി​യാ​തി​രി​ക്കു​ക….ഇ​ങ്ങ​നെ​യു​ള്ള അ​സ്വ​സ്ഥ​ത​ക​ൾ അ​നു​ഭ​വ​പ്പെ​ടു​​മ്പോ​ൾ പ​രി​ശോ​ധ​ന ന​ട​ത്തു​ന്ന​ത് ഉചിതം. നേ​ര​ത്തേ ത​ന്നെ രോ​ഗം ക​ണ്ടെ​ത്താ​നും ശ​രി​യാ​യ രീ​തി​യി​ലു​ള്ള ചി​കി​ത്സ ആ​രം​ഭി​ക്കാ​നും അ​ത് സ​ഹാ​യകം.

ഇരുപത്തഞ്ചിലും!
വി​ദേ​ശ രാ​ജ്യ​ങ്ങ​ളി​ൽ നാ​ൽ​പ​ത് വ​യ​സ് ക​ഴി​ഞ്ഞ​വ​രി​ലാ​ണ് പ്ര​മേ​ഹം കൂ​ടു​ത​ലാ​യി കാ​ണു​ന്ന​ത്. ഇ​ന്ത്യ​യി​ൽ പ്ര​മേ​ഹം ഏറെപ്പേരി​ൽ യൗ​വന​ത്തി​ൽ ത​ന്നെ ആ​രം​ഭി​ക്കും എ​ന്നാ​ണ് പുതിയ വിവരം. അ​താ​യ​ത് ഇ​രു​പ​തി​നും ഇ​രു​പ​ത്തി​യ​ഞ്ചിനും ഇ​ട​യി​ൽ. മു​പ്പ​ത്തി​യ​ഞ്ച് വ​യ​സി​ൽ ഏറെപ്പേ​ർ പ്ര​മേ​ഹ രോ​ഗി​ക​ളാ​യി മാ​റു​ന്നുണ്ട്.
പ്രമേഹപാരന്പര്യം ഉള്ളവർ…
എ​ല്ലാ​വ​രും ത​ന്നെ ഇ​രു​പ​ത് വ​യ​സി​നും മു​പ്പ​ത് വ​യ​സി​നും ഇ​ട​യി​ൽ ആ​ദ്യ​ത്തെ പ​രി​ശോ​ധ​ന ന​ട​ത്തു​ക​യാ​ണു ന​ല്ല​ത്. അ​ച്ഛ​നും അ​മ്മ​യും പ്ര​മേ​ഹം ഉ​ള്ള​വ​ർ ആ​ണെ​ങ്കി​ൽ ഇ​രു​പ​ത് വ​യ​സി​നു മു​മ്പുത​ന്നെ പ​രി​ശോ​ധ​ന ന​ട​ത്ത​ണം. കാ​ര​ണം, അ​ങ്ങ​നെ​യു​ള്ള​വ​രി​ൽ പ്ര​മേ​ഹം ഉ​ണ്ടാ​കാ​നു​ള്ള സാ​ധ്യ​ത കൂ​ടു​ത​ലായിരിക്കും. എ​ന്നാ​ൽ, അ​ച്ഛ​നും അ​മ്മ​യ്ക്കും പ്ര​മേ​ഹം ഇ​ല്ലാ​തി​രി​ക്കു​ക​യും ര​ണ്ട് ത​ല​മു​റ മു​മ്പുള്ള​വ​ർ​ക്ക് രോ​ഗം ഉ​ണ്ടാ​യി​രു​ന്നു എന്നതാണ് സ്ഥിതിയെങ്കിൽ അ​ത്ര നേ​ര​ത്തേ ത​ന്നെ പ​രി​ശോ​ധ​ന ന​ട​ത്ത​ണം എ​ന്ന് നി​ർ​ബ​ന്ധ​മി​ല്ല.

40 വ​യ​സ് ക​ഴി​ഞ്ഞാ​ൽ എ​ല്ലാ​വ​രും കൊ​ല്ല​ത്തി​ൽ ഒ​രു പ്രാ​വ​ശ്യമെ​ങ്കി​ലും ര​ക്ത​ത്തി​ലെ പ​ഞ്ച​സാ​ര നി​ല പ​രി​ശോ​ധി​ക്ക​ണം.
പ്ര​മേ​ഹം എ​ത്ര​യും നേ​ര​ത്തേ കണ്ടെത്തു ക‌യും ഏ​റ്റ​വും പു​തി​യ അ​റി​വു​ക​ൾ അ​നു​സ​രി​ച്ച് ചി​കി​ത്സ കൈ​കാ​ര്യം ചെ​യ്യു​ക​യുമാണെ​ങ്കി​ൽ പ്ര​മേ​ഹം നി​യ​ന്ത്ര​ണ​ത്തി​ലാ​കും എ​ന്നു മാ​ത്ര​മ​ല്ല, ഭാ​വി​യി​ൽ സ​ങ്കീ​ർ​ണത​ക​ൾ ഉ​ണ്ടാ​കാ​തി​രി​ക്കു​ക​യും ചെ​യ്യും.
വൈകി കണ്ടെത്തിയാൽ…
രോ​ഗം മ​ന​സി​ലാ​ക്കു​ന്ന​തി​ന് കാ​ല​താ​മ​സം ഉ​ണ്ടാ​വുക​യും ചി​കി​ത്സ ശാ​സ്ത്രീ​യ​മാ​കാ​തി​രി​ക്കു​ക​യുമാ​ണെ​ങ്കി​ൽ ആ​ജീ​വ​നാ​ന്ത പ്ര​മേ​ഹരോ​ഗി ആ​യി മാ​റാ​നു​ള്ള സാ​ധ്യ​ത കൂ​ടു​ത​ലാ​ണ്.
ചികിത്സയിൽ ശ്രദ്ധിക്കേണ്ടത്
പ്ര​മേ​ഹ ചി​കി​ത്സ​യി​ൽ ആ​ദ്യം ശ്ര​ദ്ധി​ക്കേ​ണ്ട​ത് ആ​ഹാ​ര​ത്തി​ൽ ക്ര​മീ​ക​ര​ണ​ങ്ങ​ൾ ചെ​യ്യു​ന്ന​തി​ലാ​യി​രി​ക്ക​ണം. അ​ടു​ത്ത പ്രാ​ധാ​ന്യം വ്യാ​യാ​മ​ത്തി​നാ​ണ്. രോ​ഗാ​വ​സ്ഥ​യെക്കു​റി​ച്ചും ചി​കി​ത്സ​യെക്കു​റി​ച്ചും രോ​ഗി​യെ​യും രോ​ഗി​യു​ടെ വീ​ട്ടു​കാ​രെയും പ​റ​ഞ്ഞു ബോധ്യപ്പെടു ത്താനാണ് മൂ​ന്നാ​മ​ത് ശ്ര​ദ്ധി​ക്കേ​ണ്ട​ത്. നാ​ലാ​മ​ത് ശ്ര​ദ്ധി​ക്കേ​ണ്ട​ത് മാ​ന​സി​ക സം​ഘ​ർ​ഷം ഇ​ല്ലാ​തെ ജീ​വി​ക്കു​ക എ​ന്നു​ള്ള​താ​ണ്. അ​ണു​ബാ​ധ​ക​ൾ ഉ​ണ്ടെ​ങ്കി​ൽ അ​ത് കൈ​കാ​ര്യം ചെ​യ്യു​ക​യാ​യി​രി​ക്ക​ണം അ​ഞ്ചാ​മ​ത്തെ വി​ഷ​യം. അ​തി​നു ശേ​ഷം മാ​ത്ര​മാ​ണ് മ​രു​ന്നു​ക​ൾ​ക്കു​ള്ള സ്ഥാ​നം.
(തുടരും)