ക​ട​ലി​ല്‍ മു​ക്കി​യ ക​പ്പ​ലി​ല്‍​നി​ന്ന് രാ​സ​ല​ഹ​രി തീ​ര​ത്ത​ടി​ഞ്ഞു; ആ​ന്‍​ഡ​മാ​നി​ല്‍ ക​ണ്ടെ​ത്തി ന​ശി​പ്പി​ച്ച​ത് 100 കോ​ടി​യു​ടെ മ​യ​ക്കു​മ​രു​ന്ന്

കൊ​ച്ചി: ല​ഹ​രി​മ​രു​ന്നു മാ​ഫി​യ സം​ഘം മു​ക്കി​യ ക​പ്പ​ലി​ലെ മ​യ​ക്കു​മ​രു​ന്ന് തീ​ര​ത്ത് അ​ടി​ഞ്ഞ​തി​നെ​ത്തു​ട​ര്‍​ന്ന് ആ​ന്‍​ഡ​മാ​ന്‍ നി​ക്കോ​ബാ​ര്‍ ദ്വീ​പി​ല്‍ വ​ന്‍ രാ​സ ല​ഹ​രി വേ​ട്ട. ക​സ്റ്റം​സ് പ്രി​വ​ന്‍റീ​വ് എ​ക്‌​സൈ​സ് സം​യു​ക്ത പ​രി​ശോ​ധ​ന​യി​ല്‍ 100 കോ​ടി​യു​ടെ മ​യ​ക്കു​മ​രു​ന്നാ​ണ് ബ​ങ്ക​റി​ല്‍ ക​ണ്ടെ​ത്തി ന​ശി​പ്പി​ച്ച​ത്.

ജാ​പ്പ​നീ​സ് ബ​ങ്ക​റി​ല്‍ ഒ​ളി​പ്പി​ച്ച 50 കി​ലോ മെ​ത്താം​ഫെ​റ്റാ​മി​ന്‍ സം​യു​ക്ത സം​ഘം ന​ശി​പ്പി​ച്ചു. പ്ര​ദേ​ശ​വാ​സി​ക​ള്‍ സൂ​ക്ഷി​ച്ച് ര​ണ്ട​ര കി​ലോ മ​യ​ക്കു​മ​രു​ന്ന് ഭ​ര​ണ​കൂ​ട​ത്തി​ന് തി​രി​കെ ന​ല്‍​കി.

പ്ര​ദേ​ശ​വാ​സി​ക​ളി​ലൊ​രാ​ള്‍ അ​റി​യാ​തെ ല​ഹ​രി​വ​സ്തു ഉ​പ​യോ​ഗി​ച്ച് ചാ​യ ഉ​ണ്ടാ​ക്കി​യ​ത് കു​ടി​ച്ച ഒ​രു സ്ത്രീ ​മു​മ്പ് മ​രി​ക്കു​ക​യും ഉ​ണ്ടാ​യി. ഈ ​സാ​ഹ​ച​ര്യ​ത്തി​ല്‍ പ്ര​ദേ​ശ​വാ​സി​ക​ള്‍​ക്കി​ട​യി​ലും എ​ക്‌​സൈ​സ് സം​ഘം ബോ​ധ​വ​ത്ക​ര​ണം ന​ട​ത്തു​ന്നു​ണ്ട്.

നാ​ലു​വ​ര്‍​ഷം മു​മ്പ് ആ​ന്‍​ഡ​മാ​ന്‍ നി​ക്കോ​ബാ​ര്‍ ദ്വീ​പി​ന് സ​മീ​പം ക​ട​ലി​ല്‍ ല​ഹ​രി​മാ​ഫി​യാ​സം​ഘം മു​ക്കി​യ ക​പ്പ​ലി​ല്‍​നി​ന്നു​ള്ള രാ​സ​ല​ഹ​രി​മ​രു​ന്ന് കേ​ര​ള​ത്തി​ലേ​ക്ക് ക​ട​ത്തു​ന്നു​വെ​ന്ന വി​വ​ര​ത്തി​ന്‍റെ അ​ടി​സ്ഥാ​ന​ത്തി​ലാ​ണ് സം​ഘം പ​രി​ശോ​ധ​ന ന​ട​ത്തി​യ​ത്.

ദ്വീ​പി​ല്‍​നി​ന്ന് സ്വ​കാ​ര്യ കൊ​റി​യ​ര്‍ ക​മ്പ​നി മു​ഖേ​ന​യെ​ത്തി​ച്ച എം​ഡി​എം​എ​യു​മാ​യി മ​ല​പ്പു​റം പ​ട്ട​ര്‍​ക്ക​ട​വ് സ്വ​ദേ​ശി​ക​ളാ​യ പ​ഴ​ങ്ക​ര​കു​ഴി​യി​ല്‍ നി​ശാ​ന്ത് (23), മു​ന്നൂ​ക്കാ​ര​ന്‍ വീ​ട്ടി​ല്‍ സി​റാ​ജു​ദ്ദീ​ന്‍ (28), കോ​ണാം​പാ​റ സ്വ​ദേ​ശി പു​തു​ശേ​രി വീ​ട്ടി​ല്‍ റി​യാ​സ് (31) എ​ന്നി​വ​ര്‍ നേ​ര​ത്തെ അ​റ​സ്റ്റി​ലാ​യി​രു​ന്നു.

ഇ​വ​ര്‍​ക്ക് ആ​ന്‍​ഡ​മാ​നി​ല്‍ നി​ന്ന് കൊ​റി​യ​റി​ല്‍ ല​ഹ​രി​മ​രു​ന്ന് എ​ത്തി​ച്ചു ന​ല്‍​കി​യ​ത് മ​ല​പ്പു​റം ഹാ​ജി​യാ​ര്‍​പ​ള്ളി സ്വ​ദേ​ശി മു​ഹ​മ്മ​ദ് സാ​ബി​ഖ് (25) ആ​ണെ​ന്ന് അ​ന്വേ​ഷ​ണ​ത്തി​ല്‍ ക​ണ്ടെ​ത്തി​യി​രു​ന്നു.

ഇ​യാ​ള്‍ പി​ടി​കൂ​ടാ​നാ​യി എ​ക്‌​സൈ​സ് സം​ഘം ക​ഴി​ഞ്ഞ മാ​സം ദ്വീ​പി​ലേ​ക്ക് പോ​യെ​ങ്കി​ലും ഇ​യാ​ളെ ക​ണ്ടെ​ത്താ​നാ​യി​ല്ല. 2019 സെ​പ്റ്റം​ബ​റി​ല്‍ കാ​ര്‍ നി​ക്കോ​ബാ​ര്‍ ക​ട​ല്‍​ത്തീ​ര​ത്തു​നി​ന്ന് കോ​സ്റ്റ്ഗാ​ര്‍​ഡും നാ​വി​ക​സേ​ന​യും ന​ട​ത്തി​യ പ​രി​ശോ​ധ​ന​യി​ല്‍ അ​ന്താ​രാ​ഷ്ട്ര മാ​ഫി​യാ സം​ഘ​ത്തി​ലു​ള്‍​പ്പെ​ട്ട മ്യാ​ന്‍​മാ​ര്‍ സ്വ​ദേ​ശി​ക​ളാ​യ ആ​റു​പേ​രെ ചെ​റു​ക​പ്പ​ലി​ല്‍​നി​ന്ന് പി​ടി​കൂ​ടി​യി​രു​ന്നു.

300 കോ​ടി​രൂ​പ വി​ല​വ​രു​ന്ന നി​രോ​ധി​ത രാ​സ​ല​ഹ​രി​യാ​യ കെ​റ്റാ​മി​നും പി​ടി​കൂ​ടു​ക​യു​ണ്ടാ​യി. ഇ​വ​ര്‍​ക്കൊ​പ്പം മ​റ്റൊ​രു​സം​ഘ​ത്തി​ലു​ണ്ടാ​യി​രു​ന്ന​വ​രു​ടെ ക​പ്പ​ല്‍ പി​ടി​യി​ലാ​കു​മെ​ന്നു മ​ന​സി​ലാ​ക്കി​യാ​ണ് ക​പ്പ​ല്‍ ക​ട​ലി​ല്‍ മു​ക്കി​ക്ക​ള​ഞ്ഞ് മ​യ​ക്കു​മ​രു​ന്ന് സം​ഘാം​ഗ​ങ്ങ​ള്‍ ര​ക്ഷ​പ്പെ​ട്ട​ത്.

കേ​സി​ല്‍ കോ​സ്റ്റ് ഗാ​ര്‍​ഡും ന​ര്‍​ക്കോ​ട്ടി​ക് ക​ണ്‍​ട്രോ​ള്‍ ബ്യൂ​റോ​യും (എ​ന്‍​സിബി) ആ​ന്‍​ഡ​മാ​ന്‍ പോ​ലീ​സും പ്ര​തി​രോ​ധ​മ​ന്ത്രാ​ല​യ​വും സം​യു​ക്ത​മാ​യി അ​ന്വേ​ഷ​ണം ന​ട​ത്തി​വ​രു​ക​യാ​ണ്.

അ​ന്ന് ക​ട​ലി​ല്‍ മു​ക്കി​യ വാ​യു ക​ട​ക്കാ​ത്ത പ്ലാ​സ്റ്റി​ക് ക​വ​റു​ക​ളി​ലാ​യി സൂ​ക്ഷി​ച്ചി​രു​ന്ന മ​യ​ക്കു​മ​രു​ന്നാ​ണ് തീ​ര​ത്ത് അ​ടി​യു​ന്ന​ത്. ഇ​താ​ണ് വ​ന്‍​തോ​തി​ല്‍ കേ​ര​ള​ത്തി​ലേ​ക്ക് എ​ത്തു​ന്ന​ത്.