പാമ്പുകളെ ഓടിക്കാനായി വീടിന് തീയിട്ട് ഉ‌ടമ. പതിമൂന്ന് കോടി രൂപയുടെ വീടിനാണ് ഉടമസ്ഥൻ തീയിട്ടത്.
അമേരിക്കയിലെ മെറിലാന്‍റിലാണ് സംഭവം. വീട്ടില്‍ നിരന്തരമായി പാമ്പുകള്‍ കയറുമായിരുന്നതിനാല്‍ ശല്യം സഹിക്കാതായപ്പോള്‍ പുകയിട്ട് പാമ്പുകളെ ഓടിക്കാനായിരുന്നു ഉടമയുടെ ശ്രമം.
എന്നാല്‍ കൂട്ടിയിട്ട ചവറുകള്‍ക്ക് സമീപത്തുവച്ച് പുകയിട്ടപ്പോള്‍ ആളി വീട്ടിലെ വസ്തുക്കളിലേക്ക് പടരുകയും വീട് മൊത്തത്തില്‍ തീപിടിക്കുകയുമായിരുന്നു. 10,000 സ്‌ക്വയഫീറ്റുള്ള വീടാണ് കത്തി നശിച്ചത്.
