യാ​തൊ​രു പ​ണ​ച്ചി​ല​വും ഇ​ല്ലാ​തെ വി​ദേ​ശ​ത്ത് ജോ​ലി..! മോഹന വാഗ്ദാനങ്ങൾ, ഡിനോ തട്ടിയത് അഞ്ച് കോടി; തട്ടിപ്പ് ഉദ്യോഗമാക്കിയവർ…

നെ​ടു​മ്പാ​ശേരി: വി​ദേ​ശ​ത്ത് ജോ​ലി മോ​ഹ​വു​മാ​യി അ​നു​ദി​നം ത​ട്ടി​പ്പി​നി​ര​യാ​കു​ന്ന​ത് നി​ര​വ​ധി പേ​രാ​ണ്.

എ​റ​ണാ​കു​ളം ജി​ല്ല​യി​ൽനി​ന്ന് മാ​ത്രം വി​വി​ധ സം​ഘ​ങ്ങ​ൾ അ​ടു​ത്തി​ടെ കോ​ടി​ക​ളു​ടെ ത​ട്ടി​പ്പാ​ണ് ന​ട​ത്തി​യി​ട്ടു​ള്ള​തെ​ന്നാ​ണ് ക​ണ​ക്കു​ക​ൾ വ്യ​ക്ത​മാ​ക്കു​ന്ന​ത്.

നെ​ടു​മ്പാശേ​രി രാ​ജ്യാ​ന്ത​ര വി​മാ​ന​ത്താ​വ​ള​ത്തി​ലെ സാ​ധ്യ​ത​ക​ൾ മു​ൻ​നി​ർ​ത്തി​യാ​ണ് ത​ട്ടി​പ്പ് സം​ഘ​ങ്ങ​ളു​ടെ പ്ര​വ​ർ​ത്ത​നം.

മോ​ഹ​ന വാ​ഗ്ദാ​ന​ങ്ങ​ൾ ന​ൽ​കി​യാ​ണ് ഉ​ദ്യോ​ഗാ​ർ​ഥി​ക​ളെ ത​ട്ടി​പ്പു​കാ​ർ വ​ല​യി​ലാ​ക്കു​ന്ന​ത്. പ​ല രീ​തി​യി​ലാ​ണ് ഇ​വ​രു​ടെ പ്ര​വ​ർ​ത്ത​നം.

മോഹന വാഗ്ദാനങ്ങൾ

യാ​തൊ​രു പ​ണ​ച്ചി​ല​വും ഇ​ല്ലാ​തെ വി​ദേ​ശ​ത്ത് ജോ​ലി വാ​ങ്ങി ത​രാം എ​ന്നു പ​റ​യു​ന്ന​വ​രു​മു​ണ്ട്. ഇ​ത് കേ​ട്ട് വ​ല​യി​ലാ​കു​ന്ന​വ​രി​ൽ നി​ന്നും കു​റ​ച്ചു ക​ഴി​യു​മ്പോ​ൾ ടി​ക്ക​റ്റ് ചി​ല​വി​ന് എ​ന്ന പേ​രി​ൽ 10,000 മു​ത​ൽ 15,000 രൂ​പ വ​രെ​യു​ള്ള ചെ​റി​യ തു​ക ആ​വ​ശ്യ​പ്പെ​ടും.

ഇ​തി​ന​കം ത​ന്നെ ജോ​ലി​യു​ടെ സാ​ധ്യ​ത​ക​ൾ പ​റ​ഞ്ഞ് വി​ശ്വ​സി​പ്പി​ച്ചി​രി​ക്കു​ന്ന​തി​നാ​ൽ ന​ല്ലൊ​രു ശ​ത​മാ​നം പേ​രും ഇ​ത് ന​ൽ​കാ​ൻ ത​യാ​റാ​കും.

കു​റ​ച്ചു ക​ഴി​യു​മ്പോ​ൾ അ​ടു​ത്ത ഗ​ഡു​വാ​യി ഇ​തു​പോ​ലൊ​രു തു​ക​യും കൂ​ടി വാ​ങ്ങി​യെ​ടു​ക്കും. ഈ ​ചി​ല​വു​ക​ൾ വി​ദേ​ശ​ത്ത് എ​ത്തി​യാ​ൽ ആ​ദ്യ ശ​മ്പ​ള​ത്തോ​ടൊ​പ്പം മ​ട​ക്കി​ക്കി​ട്ടും എ​ന്നു കൂ​ടി കേ​ൾ​ക്കു​ന്ന​തോ​ടെ ക​ടം വാ​ങ്ങി​യോ ബാ​ങ്ക് വാ​യ്പ​യെ​ടു​ത്തോ സം​ഘ​ടി​പ്പി​ച്ച് ന​ൽ​കു​ക​യാ​ണ് ചെ​യ്യു​ന്ന​ത്.

ഈ ​രീ​തി​യി​ൽ 60,000 രൂ​പ​യോ അ​തി​നു മു​ക​ളി​ലോ ന​ൽ​കി​യ​തി​ന് ശേ​ഷ​മാ​ണ് പ​ല​രും ത​ങ്ങ​ൾ ക​ബ​ളി​പ്പി​ക്ക​പ്പെ​ട്ട​താ​യി തി​രി​ച്ച​റി​യു​ന്ന​ത്. കൂ​ടാ​തെ ഒ​റ്റ​യ​ടി​ക്ക് പ​റ​ഞ്ഞ് വി​ശ്വ​സി​പ്പി​ച്ച് വ​ൻ തു​ക കൈ​ക്ക​ലാ​ക്കു​ന്ന​വ​രും ഉ​ണ്ട്.

ഡിനോ തട്ടിയത് അഞ്ച് കോടി

വ്യാ​ഴാ​ഴ്ച്ച മു​വാ​റ്റു​പു​ഴ പോ​ലി​സ് അ​റ​സ്റ്റ് ചെ​യ്ത ഡി​നോ ബാ​ബു സെ​ബാ​സ്റ്റ്യ​ൻ എ​ന്ന​യാ​ൾ കാ​ന​ഡ​യി​ൽ ജോ​ലി വാ​ഗ്ദാ​നം ചെ​യ്ത് 200 ഓ​ളം ഉ​ദ്യോ​ഗാ​ർ​ഥി​ക​ളെ​യാ​ണ് വ​ഞ്ചി​ച്ച​ത്.

ഇ​വ​രി​ൽനി​ന്നും അ​ഞ്ച് കോ​ടി​യോ​ളം രൂ​പ​യാ​ണ് ഇ​യാ​ൾ ത​ട്ടി​യെ​ടു​ത്ത​ത്. സൗ​ത്ത് കൊ​റി​യ​യി​ൽ ജോ​ലി വാ​ഗ്ദാ​നം ചെ​യ്ത് 14 ല​ക്ഷം ത​ട്ടി​യെ​ടു​ത്ത അ​യ്യ​മ്പു​ഴ സ്വ​ദേ​ശി മാ​ർ​ട്ടി​ൻ ഈ ​മാ​സം ര​ണ്ടി​ന് പെ​രു​മ്പാ​വൂ​ർ പോലി​സി​ന്‍റെ പി​ടി​യി​ലാ​യി​രു​ന്നു.

കാ​ന​ഡ​യി​ൽ ജോ​ലി വാ​ഗ്ദാ​നം ചെ​യ്ത് അ​ഞ്ച് ല​ക്ഷം ത​ട്ടി​യ മ​റ്റൊ​രാ​ൾ​ക്കെ​തി​രെ വ​രാ​പ്പു​ഴ പോ​ലി​സും കേ​സ് ര​ജി​സ്റ്റ​ർ ചെ​യ്തി​ട്ടു​ണ്ട്.

ഇ​തു​മാ​യി ബ​ന്ധ​പ്പെ​ട്ട് ക​ഴി​ഞ്ഞ ഒ​രു മാ​സ​ത്തി​നി​ടെ നൂ​റു​ക​ണ​ക്കി​ന് പ​രാ​തി​ക​ളാ​ണ് റൂ​റ​ൽ ജി​ല്ല​യി​ലെ വി​വി​ധ പോ​ലി​സ് സ്റ്റേ​ഷ​നു​ക​ളി​ൽ എ​ത്തി​യ​ത്.

ഇ​തി​നി​ടെ സൗ​ജ​ന്യ ടി​ക്ക​റ്റും വി​സ​യും ന​ൽ​കി ഖ​ത്ത​റി​ൽ ജോ​ലി വാ​ഗ്ദാ​നം ചെ​യ്ത് കൊ​ണ്ടു​പോ​യ യു​വാ​വ് മ​യ​ക്കു​മ​രു​ന്നു​മാ​യി വി​ദേ​ശ​ത്ത് പി​ടി​യി​ലാ​യ​തു​മാ​യി ബ​ന്ധ​പ്പെ​ട്ട് മൂ​ന്ന് പേ​രെ വ​രാ​പ്പു​ഴ പോ​ലി​സ് അ​റ​സ്റ്റ് ചെ​യ്തി​രു​ന്നു. വി​ദേ​ശ ജോ​ലി​യ്ക്കാ​യി അം​ഗീ​കൃ​ത ഏ​ജ​ൻ​സി​ക​ൾ നി​ല​വി​ലു​ണ്ട്.

വിവരങ്ങൾ അറിയാൻ മാർഗമുണ്ട്

കൂ​ടാ​തെ ഏ​ജ​ൻ​സി​ക​ളും മ​റ്റും പ​റ​യു​ന്ന ജോ​ലി​ക​ളെ സം​ബ​ന്ധി​ച്ചു​ള്ള അ​ധി​കാ​രി​ക​മാ​യ വി​ശ​ദാം​ശ​ങ്ങ​ൾ അ​റി​യാ​ൻ നോ​ർ​ക്ക ഉ​ൾ​പ്പെ​ടെ​യു​ള്ള ഔ​ദ്യോ​ഗി​ക സ്ഥാ​പ​ന​ങ്ങ​ൾ വ​ഴി സാ​ധി​ക്കു​ക​യും ചെ​യ്യും. ഇ​തൊ​ന്നും ശ്ര​ദ്ധി​ക്കാ​തെ​യാ​ണ് ഇ​പ്പോ​ഴും പ​ല​രും യാ​തൊ​രു ഉ​റ​പ്പു​മി​ല്ലാ​തെ പ​ണം കൈ​മാ​റു​ന്ന​ത്.

ഗ​ൾ​ഫി​ലും യൂ​റോ​പ്യ​ൻ രാ​ജ്യ​ങ്ങ​ളി​ലും ജോ​ലി വാ​ഗ്ദാ​നം ചെ​യ്തും വി​ദേ​ശ വി​ദ്യാ​ഭ്യാ​സ സ്ഥാ​പ​ന​ങ്ങ​ളി​ൽ വി​വി​ധ കോ​ഴ്സു​ക​ളി​ൽ അ​ഡ്മി​ഷ​ൻ വാ​ങ്ങി ത​രാ​മെ​ന്ന് പ​റ​ഞ്ഞും വ​ൻ ത​ട്ടി​പ്പ് സം​ഘം പ്ര​വ​ർ​ത്തി​ക്കു​ന്ന​താ​യാ​ണ് അ​ന്വേ​ഷ​ണ​ങ്ങ​ളി​ൽ നി​ന്നും വ്യ​ക്ത​മാ​കു​ന്ന​ത്.

ഇ​വ​ർ​ക്കെ​തി​രേ റൂ​റ​ൽ എ​സ്പി​യു​ടെ നേ​തൃ​ത്വ​ത്തി​ൽ കാ​ര്യ​ക്ഷ​മ​മാ​യ അ​ന്വേ​ഷ​ണം ന​ട​ന്നു​വ​രി​ക​യാ​ണ്.