ലൗസാനെ: ഏഷ്യ കപ്പ് കിരീടം ഉയർത്തിയ ഇന്ത്യൻ വനിതാ ഹോക്കി ടീമിന് റാങ്കിംഗിൽ മുന്നേറ്റം. രാജ്യാന്തര ഹോക്കി ഫെഡറേഷന്‍റെ പുതിയ റാങ്കിംഗിൽ ഇന്ത്യൻ വനിതകൾ രണ്ടു സ്ഥാനം മെച്ചപ്പെടുത്തി പത്താം റാങ്കിലേക്ക് മുന്നേറി. യൂറോപ്യൻ ചാമ്പ്യന്മാരായ നെതർലൻഡ‍്സ് ഒന്നാം സ്ഥാനം നിലനിർത്തി. ഇംഗ്ലണ്ടും അർജന്‍റീനയും യഥാക്രമം രണ്ടും മൂന്നും സ്ഥാനങ്ങളിൽ ഇടംപിടിച്ചു.
ചൈനയെ തോൽപ്പിച്ചാണ് ഇന്ത്യൻ വനിതകൾ ഏഷ്യ കപ്പ് കിരീടം നേടിയത്. ഈ ജയത്തോടെ ഇന്ത്യ അടുത്ത വര്‍ഷത്തെ ലോകകപ്പിനു യോഗ്യത നേടുകയും ചെയ്തിരുന്നു.
