രാജ്യം കോവിഡിന്റെ രണ്ടാം തരംഗത്തിന്റെ ഭീതിയിലാണെങ്കിലും ഇതൊന്നും കാര്യമാക്കാതെ ഹോളി ആഘോഷിക്കുന്ന തിരക്കിലാണ് രാജ്യത്തെ ഒട്ടുമിക്കവരും.
ഇപ്പോഴിതാ വ്യത്യസ്തമായൊരു ഹോളി ആഘോഷത്തിന്റെ വീഡിയോ സാമൂഹിക മാധ്യമങ്ങളില്‍ വൈറലായി മാറിയിരിക്കുകയാണ്.
ജിംനാസ്റ്റിക് താരമായ പരുള്‍ അറോറയുടെ വീഡിയോയാണ് ശ്രദ്ധേയമാകുന്നത്. സാരിയുടുത്തും നിറങ്ങള്‍ വാരിയെറിഞ്ഞും മലക്കം മറിയുന്ന സ്ലോ മോഷന്‍ വീഡിയോ ആണ് അറോറ സാമൂഹിക മാധ്യമങ്ങളില്‍ പങ്കിട്ടിരിക്കുന്നത്.
വീഡിയോ നിമിഷങ്ങള്‍ക്കുള്ളിലാണ് സോഷ്യല്‍ മീഡിയയില്‍ വമ്പന്‍ ഹിറ്റായി മാറിയത്.
ഹൃതിക് റോഷനും ടൈഗര്‍ ഷെറോഫും അഭിനയിച്ച ‘വാര്‍’ എന്ന സിനിമയിലെ ‘ജയ് ജയ് ശിവശങ്കര്‍’ എന്ന പാട്ടിന്റെ അകമ്പടിയോടെയാണ് വീഡിയോ ചെയ്തിരിക്കുന്നത്. ജിംനാസ്റ്റിക്സില്‍ ദേശീയതലത്തില്‍ സ്വര്‍ണമെഡല്‍ ജേതാവാണ് പരുള്‍ അറോറ.
