പപ്പയും ഞാനും നിരപരാധികൾ! ഒ​രു ക​ത്തി​ന്‍റെ പേ​രി​ലാ​ണ് പ​പ്പ‍​യെ ശി​ക്ഷി​ച്ച​തെ​ന്നും ര​ണ്ടു സ്ത്രീ​ക​ൾ മാ​ത്ര​മാ​ണ് പ​രാ​തി ന​ൽ​കി​യ​തെ​ന്നും ഹണിപ്രീത്; പ​ഞ്ച്കു​ല​യി​ലെ കോ​ട​തി​യിൽ കനത്ത സുരക്ഷ

ച​ണ്ഡി​ഗ​ഡ്: മാ​ന​ഭം​ഗ​ക്കേ​സി​ൽ ജ​യി​ലി​ൽ ക​ഴി​യു​ന്ന ദേ​ര സ​ച്ച സൗ​ദ ത​ല​വ​ൻ ഗു​ർ​മീ​ത് റാം ​റ​ഹീ​മും താ​നും നി​ര​പ​രാ​ധി​യാ​ണെ​ന്ന് ഹ​ണി​പ്രീ​ത്. പ​ഞ്ചാ​ബ് പോ​ലീ​സ് ന​ട​ത്തി​യ ചോ​ദ്യം ചെ​യ്യ​ലി​ലാ​ണ് പ​പ്പ (ഗു​ർ​മീ​ത്)​യും താ​നും നി​ര​പ​രാ​ധി​ക​ളാ​ണെ​ന്ന് ഹ​ണി​പ്രീ​ത് ആ​വ​ർ​ത്തി​ച്ച​ത്. അ​തേ​സ​മ​യം ഇ​വ​ർ കൂ​ടു​ത​ൽ കാ​ര്യ​ങ്ങ​ൾ വെ​ളി​പ്പെ​ടു​ത്തി​യി​ട്ടി​ല്ലെ​ന്നാ​ണ് പോ​ലീ​സ് പ​റ​യു​ന്ന​ത്. ഹ​ണി​പ്രീ​തി​നെ ഇ​ന്ന് പ​ഞ്ച്കു​ല​യി​ലെ കോ​ട​തി​യി​ൽ ഹാ​ജ​രാ​ക്കും.

ഓ​ഗ​സ്റ്റ് 25ന് ​ഗു​ർ​മീ​ത് റാം ​റ​ഹി​മി​ന് പ​ഞ്ച്കു​ല​യി​ലെ പ്ര​ത്യേ​ക സി​ബി​ഐ കോ​ട​തി​വി​ധി​ക്കു മു​ന്പ്‌ ല‌​ഹ​ള​യു​ണ്ടാ‍​യി​രു​ന്നു. ഹ​ണി​പ്രീ​തി​നെ കോ​ട​തി​യി​ൽ ഹാ​ജ​രാ​ക്കു​ന്പോ​ൾ അ​ക്ര​മം ഉ​ണ്ടാ​കു​മെ​ന്ന റി​പ്പോ​ർ​ട്ടി​നെ​ത്തു​ട​ർ​ന്ന് കോ​ട​തി​ക്കു പു​റ​ത്ത് ക​ർ​ശ​ന സു​ര​ക്ഷ​യാ​ണ് ഏ​ർ​പ്പെ​ടു​ത്തി​യി​രി​ക്കു​ന്ന​ത്. തി​രി​ച്ച​റി​യ​ൽ രേ​ഖ​യി​ല്ലാ​തെ ആ​രെ​യും കോ​ട​തി​യി​ലേ​ക്ക് ക​യ​റ്റി​വി​ടു​ന്നി​ല്ല.

പ​ഞ്ചാ​ബി​ലെ സി​രാ​ക്പു​ർ-​പ​ട്യാ​ല റോ​ഡി​ൽ​നി​ന്നാ​ണ് പ്രി​യ​ങ്ക ത​നേ​ജ എ​ന്ന ഹ​ണി​പ്രീ​തി​നെ ഇ​ന്ന​ലെ പോ​ലീ​സ് പി​ടി​കൂ​ടി​യ​ത്. ഹ​ണി​പ്രീ​ത് ഒ​രു മാ​സ​മാ​യി പോ​ലീ​സി​നെ വെ​ട്ടി​ച്ച് ഒ​ളി​വി​ൽ ക​ഴി​ഞ്ഞു വ​രി​ക​യാ​യി​രു​ന്നു. ഗു​ർ​മീ​തി​നെ​തി​രാ​യ കോ​ട​തി​വി​ധി​ക്കു മു​ന്പ് ഉ​ണ്ടാ​യ ല​ഹ​ള​യു​മാ​യി ബ​ന്ധ​പ്പെ​ട്ടാ​ണ് ഹ​ണി​പ്രീ​ത് അ​റ​സ്റ്റി​ലാ​യ​ത്.

41 പേ​രു​ടെ മ​ര​ണ​ത്തി​നി​ട​യാ​ക്കി​യ ല​ഹ​ള​യു​മാ​യി ബ​ന്ധ​പ്പെ​ട്ട് പോ​ലീ​സ് പു​റ​ത്തു​വി​ട്ട കു​റ്റ​വാ​ളി​ക​ളു​ടെ പ​ട്ടി​ക​യി​ൽ ഹ​ണി​പ്രീ​താ​യി​രു​ന്നു പ്ര​മു​ഖ​സ്ഥാ​ന​ത്ത്. പോ​ലീ​സി​നെ വെ​ട്ടി​ച്ച് ഒ​രു മാ​സ​മാ​യി ഒ​ളി​വി​ൽ ക​ഴി​യു​ക​യാ​യി​രു​ന്ന ഹ​ണി​പ്രീ​തി​നാ​യി സു​ര​ക്ഷി​ത സ്ഥാ​ന​ങ്ങ​ൾ ഒ​രു​ക്കി​യ​വ​രെ​യും ചോ​ദ്യം​ചെ​യ്യും. ദേ​ര സ​ച്ച അ​നു​യാ​യി​യു​ടെ വീ​ട്ടി​ലാ​ണ് ഹ​ണി​പ്രീ​ത് ഒ​ളി​വി​ൽ​ക​ഴി​ഞ്ഞി​രു​ന്ന​ത്. ഹ​ണി​ക്കൊ​പ്പ​മു​ണ്ടാ​യി​രു​ന്ന ഒ​രു സ്ത്രീ​യെ​യും പോ​ലീ​സ് ക​സ്റ്റ​ഡി​യി​ൽ എ​ടു​ത്തി​ട്ടു​ണ്ട്. ഇ​വ​രെ​യും കോ​ട​തി​യി​ൽ ഹാ​ജ​രാ​ക്കും.

നേ​ര​ത്തെ പ​ഞ്ച്കു​ല ല​ഹ​ള​യി​ൽ ത​നി​ക്കു പ​ങ്കു​ണ്ടെ​ന്ന ത​ര​ത്തി​ൽ ഉ​യ​ർ​ന്ന ആ​രോ​പ​ണം മാ​ന​സി​ക​മാ​യി ത​ക​ർ​ത്തെ​ന്നും ആ​രോ​പ​ണ​ത്തി​ൽ ക​ഴ​ന്പി​ല്ലെ​ന്നും ഹ​ണി​പ്രീ​ത് വാ​ർ​ത്താ ചാ​ന​ലി​ൽ ന​ല്കി​യ അ​ഭി​മു​ഖ​ത്തി​ൽ പ​റ​ഞ്ഞു.
പ​പ്പ (ഗു​ർ​മീ​ത്) നി​ര​പ​രാ​ധി​യാ​ണെ​ന്നും അ​ദ്ദേ​ഹ​ത്തി​നെ​തി​രാ​യ മാ​ന​ഭം​ഗ കു​റ്റാ​രോ​പ​ണം ത​ന്നെ മാ​ന​സി​ക​മാ​യി ത​ള​ർ​ത്തി​യെ​ന്നും അ​വ​ർ പ​റ​ഞ്ഞു. ഒ​രു ക​ത്തി​ന്‍റെ പേ​രി​ലാ​ണ് പ​പ്പ‍​യെ ശി​ക്ഷി​ച്ച​തെ​ന്നും ര​ണ്ടു സ്ത്രീ​ക​ൾ മാ​ത്ര​മാ​ണ് പ​രാ​തി ന​ൽ​കി​യ​തെ​ന്നും ബാ​ക്കി​യു​ള്ള​വ​ർ​ക്കാ​ർ​ക്കും യാ​തൊ​രു പ​രാ​തി​യും ഇ​ല്ല​ല്ലോ​യെ​ന്നും അ​വ​ർ ചോ​ദി​ച്ചു.

ഓ​ഗ​സ്റ്റ് 25ന് ​ഗു​ർ​മീ​ത് റാം ​റ​ഹിം പ​ഞ്ച്കു​ല​യി​ലെ പ്ര​ത്യേ​ക സി​ബി​ഐ കോ​ട​തി​യി​ൽ ഹാ​ജ​രാ​കു​ന്പോ​ൾ ഹ​ണി​പ്രീ​തും ഒ​പ്പ​മു​ണ്ടാ​യി​രു​ന്നു. ഗു​ർ​മീ​തി​ന് കോ​ട​തി ശി​ക്ഷ വി​ധി​ച്ച​തി​നു പി​ന്നാ​ലെ ഹ​ണി​പ്രീ​തി​നെ​ക്കു​റി​ച്ച് യാ​തൊ​രു വി​വ​ര​വു​മു​ണ്ടാ​യി​ല്ല. ഹ​ണി​ക്കാ​യി ലു​ക്ക്ഔ​ട്ട് നോ​ട്ടീ​സും അ​റ​സ്റ്റ് വാ​റ​ണ്ടും ഹ​രി​യാ​ന പോ​ലീ​സ് പു​റ​പ്പെ​ടു​വി​ച്ചെ​ങ്കി​ലും ഇ​ന്ന​ലെ​വ​രെ യാ​തൊ​രു ഫ​ല​വു​മു​ണ്ടാ​യി​ല്ല.