ഹ​ണി ട്രാ​പ്പി​ല്‍ കു​ടു​ങ്ങി​യ​ത് ഉ​ന്ന​ത​ര്‍;  ​രാ​ഷ്ട്രീയ പ്ര​മു​ഖ​ര്‍ ഇ​ര​ക​ള്‍ !  നാ​ണ​ക്കേ​ടോ​ര്‍​ത്ത് പ​രാ​തി ന​ല്‍​കി​യി​ല്ല; തട്ടിയെടുത്തത് കോടികൾ

കോ​ഴി​ക്കോ​ട് : മാ​വോ​യി​സ്റ്റു​ക​ളെ​ന്ന വ്യാ​ജേ​ന പ്ര​മു​ഖ വ്യാ​പാ​രി​ക​ള്‍​ക്കും ക​രാ​റു​കാ​ര​നും ക​ത്ത​യ​ച്ച് പ​ണം ത​ട്ടാ​ന്‍ ശ്ര​മി​ച്ച​വ​ര്‍ രാ​ഷ്‌ട്രീയ പ്ര​മു​ഖ​രെ ഇ​ര​ക​ളാ​ക്കി. പെ​ണ്‍​കെ​ണി​യി​ലും സ്വ​വ​ര്‍​ഗ​ബന്ധത്തിലും കു​ടു​ക്കി ഭീ​ഷ​ണി​പ്പെ​ടു​ത്തു​ക​യും പ​ണം കൈ​ക്ക​ലാ​ക്കു​ക​യു​മാ​യി​രു​ന്നു ഇ​വ​ര്‍ ചെ​യ്ത​ത്.

കോ​ടി​ക​ള്‍ ഇ​ത്ത​ര​ത്തി​ല്‍ ത​ട്ടി​യെ​ടു​ത്ത​താ​യാ​ണ് സി-​ബ്രാ​ഞ്ചി​നു ല​ഭി​ച്ച വി​വ​രം. അ​തേ​സ​മ​യം, ഇ​ര​ക​ളാ​യ​വ​ര്‍ നാ​ണ​ക്കേ​ടോ​ര്‍​ത്തു പ​രാ​തി ന​ല്‍​കാ​ത്ത​തി​നാ​ല്‍ ഇ​ക്കാ​ര്യ​ത്തി​ല്‍ ഒ​ര​ന്വേ​ഷ​ണ​വും പോ​ലീ​സ് ന​ട​ത്തി​ല്ല. പ്ര​തി​ക​ളെ ചോ​ദ്യം ചെ​യ്ത​തി​ല്‍‌നി​ന്നു ല​ഭി​ച്ച വി​വ​ര​ങ്ങ​ള്‍ പോ​ലീ​സ് കോ​ടി​തി​യി​ല്‍ പോ​ലും ഹാ​ജ​രാ​ക്കി​ല്ല.

മുൻ മന്ത്രിമാർ അടക്കംമു​ന്‍ മ​ന്ത്രി​മാ​രു​ള്‍​പ്പെ​ടെ സം​ഘ​ത്തി​ന്‍റെ ഇ​ര​ക​ളാ​യി​രു​ന്നു. വ്യാ​പാ​രി​ക​ള്‍​ക്കു ഭീ​ഷ​ണി​ക്ക​ത്തെ​ഴു​തി​യ കേ​സി​ല്‍ പി​ടി​യി​ലാ​യ ഹ​ബീ​ബ് റ​ഹ്മാ​ന്‍റെ നേ​തൃ​ത്വ​ത്തി​ലാ​യി​രു​ന്നു ത​ട്ടി​പ്പു​ക​ള്‍ ന​ട​ത്തി​യി​രു​ന്ന​ത്. മു​ന്‍ മ​ന്ത്രി​യാ​യ വ്യ​ക്തി​യു​ടെ സ​മീ​പം ര​ണ്ടു യു​വാ​ക്ക​ളെ എ​ത്തി​ച്ചും കെ​ണി​യി​ല്‍ കു​രു​ക്കി​യ​താ​യാ​ണ് വി​വ​രം.

മ​ന്ത്രി​യാ​കും മു​മ്പാ​യി​രു​ന്നു സം​ഭ​വം. പി​ന്നീ​ടു മ​ന്ത്രി​പ​ദ​ത്തി​ലേ​ക്ക് എ​ത്തു​മെ​ന്ന ഘ​ട്ട​ത്തി​ല്‍ ബ്ലാ​ക്ക്മെ​യി​ലിം​ഗ് തു​ട​ങ്ങി. ഒ​രു​ കോ​ടി രൂ​പ ന​ല്‍​കി​യാ​ണ് സം​ഭ​വം ഒ​തു​ക്കി​ത്തീ​ര്‍​ത്ത​ത്. ഇ​തി​ല്‍ 15 ല​ക്ഷം ത​നി​ക്കു കി​ട്ടി​യെ​ന്നും ബാ​ക്കി ഇ​ട​നി​ല​ക്കാ​ര്‍ കൈ​വ​ശ​പ്പെ​ടു​ത്തി​യെ​ന്നു​മാ​ണ് ഹ​ബീ​ബ് ന​ല്‍​കി​യി​രി​ക്കു​ന്ന മൊ​ഴി.

മ​ഞ്ചേ​രി സ്വ​ദേ​ശി​യാ​യ സ്ത്രീ​യെ ഉ​പ​യോ​ഗി​ച്ചും കെ​ണി​യൊ​രു​ക്കി പ​ണം ത​ട്ടി​യി​രു​ന്നു. സം​സ്ഥാ​ന​ത്തെ ഉ​ന്ന​ത​രെ പ​ല​രെ​യും ഇ​ത്ത​ര​ത്തി​ല്‍ ല​ക്ഷ്യ​മി​ട്ടി​രു​ന്ന​താ​യി ഹ​ബീ​ബ് പോ​ലീ​സി​നോ​ടു വെ​ളി​പ്പെ​ടു​ത്തി .

ഭീഷണിക്കത്ത്
അ​തേ​സ​മ​യം, ര​ണ്ടാ​ഴ്ച മു​മ്പ് നാ​ലു​പേ​ര്‍​ക്കാ​ണ് വ​യ​നാ​ട്ടി​ലെ ചു​ണ്ടേ​ല്‍ പോ​സ്റ്റോ​ഫീ​സി​ല്‍നി​ന്നു ഭീ​ഷ​ണി​ക്ക​ത്ത് പോ​സ്റ്റ് ചെ​യ്ത​ത്. ഇ​തി​ല്‍ മൂ​ന്നു​പേ​ര്‍ പോ​ലീ​സി​ല്‍ പ​രാ​തി ന​ല്‍​കി​യി​രു​ന്നു. ഒ​രാ​ള്‍ പ്ര​മു​ഖ നേ​താ​വാ​ണ്.

ക​ത്ത് കി​ട്ടി​യി​ട്ടി​ല്ലെ​ന്നും ഇ​ക്കാ​ര്യം അ​റി​യി​ല്ലെ​ന്നു​മാ​ണ് ഇ​ദ്ദേ​ഹം അ​ന്വേ​ഷ​ണ സം​ഘ​ത്തെ അ​റി​യി​ച്ച​ത്. എ​ന്നാ​ല്‍, ഇ​ദ്ദേ​ഹ​ത്തി​ന്‍റെ വീ​ടി​ന​ട​ത്തു​ള്ള പോ​സ്റ്റോ​ഫീ​സി​ല്‍നി​ന്നു ക​ത്ത് സ്വീ​ക​രി​ച്ച​താ​യി ക​ണ്ടെ​ത്തി​യി​ട്ടു​ണ്ട്.