മഞ്ജു വാര്യർ ഹൊറർ സിനിമയിലഭിനയിക്കുന്നു. സിനിമയുടെ പേര് ഇതുവരെ തീരുമാനിച്ചിട്ടില്ല. സണ്ണി വെയ്ൻ ആണ് ചിത്രത്തിൽ നായകനാകുന്നത്. ആസിഫ് അലി നായകനായ കോഹിനൂർ എന്ന ചിത്രത്തിന്‍റെ തിരക്കഥാകൃത്തുക്കളായ രഞ്ജിത് കമല ശങ്കർ, സലിൽ.വി എന്നിവർ ചേർന്നാണ് ചിത്രം സംവിധാനം ചെയ്യുന്നത്.
അഭയകുമാർ.കെ, അനിൽ കുര്യൻ എന്നിവർ ചേർന്നാണ് ചിത്രത്തിന്‍റെ തിരക്കഥ രചിച്ചിരിക്കുന്നത്. കഴിഞ്ഞ ദിവസം സാംസ്കാരിക വകുപ്പ് മന്ത്രി എ.കെ ബാലൻ ആണ് ചിത്രത്തിന്‍റെ സ്വിച്ച് ഓൺ നിർവഹിച്ചത്. ജിസ് ടോംസ്, ജസ്റ്റിൻ തോമസ് എന്നിവർ ചേർന്നാണ് ചിത്രം നിർമിക്കുന്നത്.
രഞ്ജി പണിക്കർ, അലൻസിയർ, സരയൂ എന്നിവരും സിനിമയിലൽ മറ്റ് പ്രധാന കഥാപാത്രങ്ങളെ അവതരിപ്പിക്കുന്നു.
