ചണ്ഡീഗഡ്: സ്കേറ്റിംഗ് ബോർഡിൽ കന്യാകുമാരിയിൽ നിന്നും കാഷ്മീരിലേക്ക് പുറപ്പെട്ട അനസ് ഹാജസ് അപകടത്തിൽ മരിച്ചു. ഹരിയാനയിൽ വച്ച് ട്രക്കിടിച്ചാണ് മരണം സംഭവിച്ചത്.
ഗുരുതരമായി പരിക്കേറ്റ അനസിനെ ആശുപത്രിയിലെത്തിച്ചുവെങ്കിലും മരണം സംഭവിച്ചു. കൂടുതൽ വിവരങ്ങൾ ലഭ്യമായിട്ടില്ല.
തിരുവനന്തപുരം വെഞ്ഞാറമൂട് അഞ്ചാംകല്ല് പുല്ലമ്പാറ സ്വദേശിയാണ് അനസ്. 2022 മേയ് 29നാണ് അനസ് കന്യാകുമാരിയിൽനിന്ന് യാത്ര തുടങ്ങിയത്.
സ്കേറ്റിംഗ് ബോർഡിൽ മധുരൈ, ബംഗളൂരു, ഹൈദരാബാദ്, മധ്യപ്രദേശ്, ഉത്തർപ്രദേശ് എല്ലാം പിന്നിട്ടാണ് ഹരിയാനയിലെത്തിയത്.
