ഗന്ധം കൂടിപ്പോയി എന്ന അയൽവാസികളുടെ പരാതിയെത്തുടർന്ന് ലണ്ടനിൽ പ്രവർത്തിക്കുന്ന ഇന്ത്യൻ റസ്റ്ററന്‍റ് ഉടമകളോട് പിഴയൊടുക്കണമെന്നു കോടതി. “ഖുശി ഇന്ത്യൻ ബുഫെ റസ്റ്ററന്‍റ്’എന്ന ഹോട്ടലിന്‍റെ ഉടമകളായ ഷബ്ന-മുഹമ്മദ് ഖുശി ദന്പതികൾക്കാണ് കോടതി നടപടി നേരിടേണ്ടിവന്നത്.
ബിരിയാണി, ബജി ഉൾപ്പെടെയുള്ള ഇന്ത്യൻ വിഭവങ്ങൾ പാകം ചെയ്യുന്പോഴുള്ള ഗന്ധം അസഹനീയമാണെന്ന പരാതിയുമായാണ് അയൽവാസികൾ കോടതിയെ സമീപിച്ചത്. ദന്പതികൾ 500 പൗണ്ട് പിഴയടയ്ക്കുന്നതിനു പുറമേ പരാതിക്കാർക്കു 30 പൗണ്ട് വീതം നഷ്ടപരിഹാരം നൽകണമെന്നും മിഡിൽബോർഗ് കൗണ്‍സിൽ കോടതി ഉത്തരവിട്ടു. ഗന്ധം പുറത്തുപോകാതിരിക്കാനുള്ള ഫിൽട്ടറിംഗ് സംവിധാനം കാര്യക്ഷമമല്ലെന്നും കോടതി കുറ്റപ്പെടുത്തി.
