ഹോ​ട്ട​ൽ ഭ​ക്ഷ​ണം ക​ഴി​ച്ച മ​ക​ന് ഭ​ക്ഷ്യ​വി​ഷ​ബാ​ധ; പോ​ലീ​സു​കാ​ര​ന്‍ ഹോ​ട്ട​ല്‍ അ​ടി​ച്ചു​ത​ക​ര്‍​ത്തു; വ​ധ​ശ്ര​മ​ത്തി​ന് കേ​സെ​ടു​ത്ത് ആലപ്പുഴ പോലീസ്

ആ​ല​പ്പു​ഴ: പോ​ലീ​സു​കാ​ര​ന്‍ ഹോ​ട്ട​ല്‍ അ​ടി​ച്ചു​ത​ക​ര്‍​ത്ത സം​ഭ​വ​ത്തി​ല്‍ വ​ധ​ശ്ര​മ​ത്തി​ന് കേ​സെ​ടു​ത്തു. ആ​ല​പ്പു​ഴ സൗ​ത്ത് പോ​ലീ​സാ​ണ് സി​പി​ഒ കെ.​എ​സ്.​ജോ​സ​ഫി​നെ​തി​രേ കേ​സെ​ടു​ത്ത​ത്.

ച​ങ്ങ​നാ​ശേ​രി ട്രാ​ഫി​ക് പോ​ലീ​സ് സ്‌​റ്റേ​ഷ​നി​ലെ സി​പി​ഒ ആ​ണ് ഇ​യാ​ൾ. ആ​ല​പ്പു​ഴ വ​ലി​യ​ചു​ടു​കാ​ടി​ന് സ​മീ​പം പ്ര​വ​ർ​ത്തി​ക്കു​ന്ന അ​ഹ്ല​ൻ എ​ന്ന ക​ട​യാ​ണ് ഇ​യാ​ൾ ത​ക​ർ​ത്ത​ത്.

വെ​ള്ളി​യാ​ഴ്ച വൈ​കി​ട്ടോ​ടെ​യാ​യി​രു​ന്നു സം​ഭ​വം. ഇ​വി​ടെ നി​ന്നു വാ​ങ്ങി​യ ഭ​ക്ഷ​ണം ക​ഴി​ച്ച് മ​ക​ന് ഭ​ക്ഷ്യ​വി​ഷ​ബാ​ധ ഉ​ണ്ടാ​യെ​ന്ന് ആ​രോ​പി​ച്ചാ​യി​രു​ന്നു ആ​ക്ര​മ​ണം. വാ​ക്ക​ത്തി​യു​മാ​യി എ​ത്തി ഹോ​ട്ട​ൽ ജീ​വ​ന​ക്കാ​രെ ഭീ​ഷ​ണി​പ്പെ​ടു​ത്തി​യ ശേ​ഷ​മാ​ണ് ആ​ക്ര​മ​ണം ന​ട​ത്തി​യ​ത്.

ഹോ​ട്ട​ലി​ന്‍റെ ചി​ല്ല് ത​ക​ർ​ത്ത പോ​ലീ​സു​കാ​ര​ൻ പി​ന്നീ​ട് ബൈ​ക്ക് ഹോ​ട്ട​ലി​നു​ള്ളി​ലേ​ക്ക് ഓ​ടി​ച്ചു ക​യ​റ്റു​ക‍​യും ചെ​യ്തു. സം​ഭ​വ​ത്തി​ൽ ആ​റ് ല​ക്ഷം രൂ​പ​യു​ടെ ന​ഷ്ട​ടം ഉ​ണ്ടാ​യെ​ന്നാ​ണ് ഹോ​ട്ട​ല്‍ ഉ​ട​മ​യു​ടെ ആ​രോ​പ​ണം. പ്ര​തി​യെ ആ​ല​പ്പു​ഴ സൗ​ത്ത് പോ​ലീ​സ് ക​സ്റ്റ​ഡി​യി​ലെ​ടു​ത്തി​രു​ന്നു.