കായംകുളം: ലൈഫ് പദ്ധതിയിൽ നിർമിച്ച വീടിന് നമ്പർ കിട്ടാൻ അഞ്ചുവർഷമായി നഗരസഭയിൽ കയറി ഇറങ്ങി ദുരിതത്തിലായിരിക്കുകയാണ് രുഗ്മിണിയമ്മ എന്ന വയോധിക.
കായംകുളം നഗരസഭ വാർഡ് 38ൽ താമസിക്കുന്ന 74 കാരി യായ തോട്ടുമുഖത്ത് രുഗ്മിണിയമ്മ എന്ന വയോധികയാണ് വീടിന് നമ്പർ കിട്ടാൻ കായംകുളം നഗരസഭയിൽ കയറി ഇറങ്ങുന്നത്.
അഞ്ചുവർഷം മുമ്പ് വീടിന്‍റെ നിർമാണം പൂർത്തിയായി. എന്നാൽ, രണ്ടാഴ്ച മുമ്പ് വീടിന്‍റെ അടിത്തറ പൂർത്തീകരിച്ചിട്ടില്ലന്ന് ചൂണ്ടിക്കാട്ടി നഗരസഭ സെക്രട്ടറി രുഗ്മിണിയമ്മയ്ക്ക് നോട്ടീസ് അയച്ചു.
ലൈഫ് പദ്ധതിയിൽ നിർമാണം പൂർത്തിയായി അഞ്ചുവർഷമായിട്ടും അവസാന ഗഡു തുകയും ലഭിച്ചിട്ടില്ലെന്ന് രുഗ്മിണിയമ്മ പറയുന്നു.
അടിത്തറ കെട്ടിയില്ലങ്കിൽ കൈപ്പറ്റിയ തുക പലിശ സഹിതം തിരിച്ചടയ്ക്കണമെന്നും അല്ലാത്തപക്ഷം ജപ്തി നടപടി സ്വീകരിക്കുമെന്ന ഭീഷണിയും ഡിസംബർ 20ന് നൽകിയ നോട്ടീസിലുണ്ട്.
