റോയൽ എൻഫീൽഡ് ബുള്ളറ്റിൽ പരിശീലനം നടത്തുന്ന തിരക്കിലാണ് നടി ഹുമാ ഖുറേഷി. തല അജിത്തിനൊപ്പം ‘വലിമയ്’ എന്ന ചിത്രത്തില്‍ അഭിനയിക്കുകയാണ് ഹുമാ ഖുറേഷി. എച്ച്. വിനോദ് സംവിധാനം ചെയ്യുന്ന ചിത്രത്തിൽ അജിത്തിനൊപ്പം മോട്ടോര്‍ ബൈക്ക് സ്റ്റണ്ട് സീനുകളിലും ഹുമ അഭിനയിക്കുന്നുണ്ട്.
കോവിഡ് 19ന്‍റെ പശ്ചാത്തലത്തിൽ സിനിമയുടെ ചിത്രീകരണം തൽക്കാലം നിർത്തിവച്ചിരിക്കുകയാണ്. ഈ ഒഴിവുസമയം ബുള്ളറ്റ് പരിശീലിക്കാൻ ഉപയോഗിക്കുകയാണ് ഹുമ. പരിശീലനത്തിന്‍റെ ചിത്രങ്ങളും വീഡിയോകളും ഹുമ ഇൻസ്റ്റഗ്രാമിൽ പങ്കുവച്ചിട്ടുണ്ട്.
ബോണി കപൂറാണ് വലിമയ് നിര്‍മിക്കുന്നത്. യോഗി ബാബു, കാര്‍ത്തികേയ എന്നിവരാണ് ചിത്രത്തിലെ മറ്റ് പ്രധാന താരങ്ങള്‍.
