കൊച്ചി: സ്വകാര്യ ആശുപത്രിയിലെ നഴ്സിനെ കത്തിക്ക് കുത്തിപ്പരിക്കേൽപ്പിച്ച കേസിൽ ഭർത്താവിനെയും സുഹൃത്തിനെയും പോലീസ് കസ്റ്റഡിയിലെടുത്തു. ഭർത്താവ് ആലപ്പുഴ ഹരിപ്പാട് സ്വദേശി സന്തോഷ്, സുഹൃത്ത് നിസാം എന്നിവരെയാണ് ചേരാനെല്ലൂർ പോലീസ് കസ്റ്റഡിയിലെടുത്തത്. ഇവരുടെ അറസ്റ്റ് ഇന്ന് രേഖപ്പെടുത്തുമെന്ന് പോലീസ് പറഞ്ഞു.
വെള്ളിയാഴ്ച ഉച്ചയ്ക്കാണ് രേഷ്മയെ ആശുപത്രി പരിസരത്ത് വച്ച് സന്തോഷ് കുത്തിയത്. വയറിനും കഴുത്തിനും കുത്തേറ്റ രേഷ്മ ചികിത്സയിലാണ്. കുടുംബ പ്രശ്നങ്ങളാണ് വഴക്കിന് കാരണമെന്ന് പോലീസ് പറഞ്ഞു.
