ആൾക്കൂട്ടത്തിനിടയിൽ നിന്ന ഫോണ്‍ വിളിക്കുന്നത് ഏറെ അരോചകമായ കാര്യമാണെന്ന് എല്ലാവർക്കും അനുഭവം കൊണ്ട് അറിയാവുന്നതാണ്. എന്നാൽ ഇനി ആ കാര്യം ഓർത്ത് വിഷമിക്കേണ്ട. കാരണം, അതിനുള്ള പരിഹാരമാർഗവും കണ്ടെത്തിക്കഴിഞ്ഞിരിക്കുകയാണ്. ഹഷ്മി മാസ്ക് എന്ന പുതിയ ഉപകരണമാണ് ഇതിന് സഹായിക്കുന്നത്.
ഹഷ്മി മാസ്ക് സംസാരിക്കുന്പോൾ ആളുടെ വായ മാസ്ക് പോലെ കവർ ചെയ്യും. കൂടാതെ ഇതിൽ തന്നെയുള്ള ഇയർ ഫോണ്‍ ചെവിയിലും വയ്ക്കാം.അതുകൊണ്ട് തന്നെ അടുത്തിരിക്കുന്നവർക്ക് നമ്മൾ എന്താണ് പറയുന്നത് എന്നു കേൾക്കാൻ സാധിക്കില്ല. ഇത് ബ്ലൂടൂത്ത് വഴിയാണ് കണക്ട് ചെയ്യുന്നത്. പല നിറത്തിൽ ഹഷ്മി മാസ്ക്ക് ലഭ്യമാണ്. ഇയർ ഫോണ്‍ പോലെ ഇത് കഴുത്തിൽ ഇടാനും സാധിക്കുന്നതാണ്. ഈ വർഷം അവസാനം വിപണിയിൽ ഇറക്കാനാണ് നിർമാതാക്കൾ തീരുമാനിച്ചിരിക്കുന്നത്. 200 ഡോളറാണ് ഇതിന്‍റെ വില.
