ഭുവനേശ്വര്‍: ഐ ലീഗില്‍ നെറോക്ക എഫ്‌സിക്കും ഐസോള്‍ എഫ്‌സിക്കും ജയം. കറ്റ്‌സുമി യുസയുടെ ഇരട്ട ഗോള്‍ മികവില്‍ നെറോക്ക 3-2ന് ഇന്ത്യന്‍ ആരോസിനെ തോല്‍പ്പിച്ചു. 68, 87 മിനിറ്റുകളിലാണ് യുസയുടെ ഗോളുകള്‍. രണ്ടു തവണ മുന്നില്‍നിന്നശേഷമാണ് ആരോസിന്‍റെ തോല്‍വി.
34-ാം മിനിറ്റില്‍ ബൊറിസ് താന്‍ഗ്ജാമിലൂടെ ആരോസ് മുന്നിലെത്തി. എന്നാല്‍ 38-ാം മിനിറ്റില്‍ ഒഡിലി ഫെലിക്‌സ് ചിഡി നെറോക്കയ്ക്ക് സമനില നല്‍കി. 62-ാം മിനിറ്റില്‍ ആരോസ് രോഹിത് ദാനുവിലൂടെ ലീഡ് നേടി. ജയത്തോടെ നെറോക്ക അഞ്ചാം സ്ഥാനത്തെത്തി. ആരോസ് ഒമ്പതാം സ്ഥാനത്താണ്.
മറ്റൊരു മത്സരത്തില്‍ ഐസോള്‍ 1-0ന് നിലവിലെ ചാന്പ്യന്മാരായ മിനര്‍വ പഞ്ചാബിനെ പരാജയപ്പെടുത്തി. ലാല്‍റിച്ചനയുടെ ഗോളിലാണ് ജയം. ഐസോള്‍ ഏഴാമതും മിനര്‍വ എട്ടാം സ്ഥാനത്തുമാണ്.
