ബിഗ് ബോസ് എവിടെ? മാസങ്ങള്‍ നീണ്ടുനിന്ന നിരീക്ഷണം; ഇയാള്‍ പോലീസ് വലയത്തില്‍നിന്നും രക്ഷപ്പെട്ടത് അതിവിദഗ്ധമായി; പി​ടി​യി​ലാ​യ​ത് ചി​ല്ല​റ​ക്കാ​ര​ന​ല്ല

കൊ​ച്ചി: ല​ഹ​രി​മ​രു​ന്ന് മാ​ർ​ക്ക​റ്റി​ൽ അ​ഞ്ചു കോ​ടി രൂ​പ​യോ​ളം വി​ല​വ​രു​ന്ന മ​യ​ക്കു​മ​രു​ന്നു​ക​ളു​മാ​യി ചെ​ന്നൈ സ്വ​ദേ​ശി പി​ടി​യി​ലാ​യ സം​ഭ​വു​മാ​യി ബ​ന്ധ​പ്പെ​ട്ട് ബി​ഗ് ബോ​സി​നെ​തേ​ടി കൊ​ച്ചി പോ​ലീ​സ്. ചെ​ന്നൈ സ്വ​ദേ​ശി​യാ​യ ഇ​യാ​ൾ പോ​ലീ​സ് വ​ല​യ​ത്തി​ൽ​നി​ന്നും ര​ക്ഷ​പ്പെ​ട്ട​ത് അ​തി​വി​ദ​ഗ്ധ​മാ​യി. മാ​സ​ങ്ങ​ൾ നീ​ണ്ടു​നി​ന്ന നി​രീ​ക്ഷ​ണ​ങ്ങ​ൾ​ക്കു​ശേ​ഷ​മാ​യി​രു​ന്നു പോ​ലീ​സ് ന​ട​പ​ടി​ക​ൾ.

ഇ​ന്ന​ലെ പി​ടി​യി​ലാ​യ​ത് ഏ​ജ​ന്‍റാ​ണെ​ങ്കി​ലും ആ​ള് ചി​ല്ല​റ​ക്കാ​ര​ന​ല്ലെ​ന്നു പോ​ലീ​സ് വ്യ​ക്ത​മാ​ക്കു​ന്നു. അ​ത്യ​ന്തം വി​നാ​ശ​കാ​രി​യാ​യ മ​യ​ക്കു​മ​രു​ന്നാ​യ ഐ​സ് മെ​ത്ത് എ​ന്ന അ​പ​ര​നാ​മ​ത്തി​ൽ അ​റി​യ​പ്പെ​ടു​ന്ന മെ​ത്താം ഫി​റ്റ​മി​നു​മാ​യി ചെ​ന്നൈ മൗ​ണ്ട് റോ​ഡ് സ്വ​ദേ​ശി ഇ​ബ്രാ​ഹിം ഷെ​രീ​ഫി​നെ (59) ആ​ണ് എ​റ​ണാ​കു​ളം നോ​ർ​ത്ത് റെ​യി​ൽ​വേ സ്റ്റേ​ഷ​നി​ൽ​നി​ന്നും പോ​ലീ​സ് പി​ടി​കൂ​ടി​യ​ത്.

പ്ര​തി​ക്കു മ​യ​ക്ക് മ​രു​ന്നു​ക​ൾ കൈ​മാ​റി​യ​ത് ബി​ഗ് ബോ​സ് എ​ന്ന ര​ഹ​സ്യ​കോ​ഡി​ൽ അ​റി​യ​പ്പെ​ടു​ന്ന ചെ​ന്നൈ സ്വ​ദേ​ശി​യാ​ണ്. ഇ​യാ​ളെ പി​ടി​കൂ​ടു​വാ​ൻ ക​ഴി​ഞ്ഞ ദി​വ​സ​ങ്ങ​ളി​ൽ​ത​ന്നെ പോ​ലീ​സ് ചി​ല ശ്ര​മ​ങ്ങ​ൾ ന​ട​ത്തി​യി​രു​ന്നെ​ങ്കി​ലും ഫ​ല​വ​ത്താ​യി​ല്ല. അ​ന്പ​ത് കി​ലോ​യോ​ളം മെ​ത്താം ഫി​റ്റ​മി​ൻ വേ​ണ​മെ​ന്ന ആ​വ​ശ്യ​വു​മാ​യി ഇ​ട​നി​ല​ക്കാ​രെ​ന്ന വ്യാ​ജേ​ന​യാ​ണു പോ​ലീ​സ് ബി​ഗ് ബോ​സു​മാ​യി ബ​ന്ധ​പ്പെ​ടു​ന്ന​ത്. ഫോ​ണി​ലൂ​ടെ​യാ​യി​രു​ന്നു ഇ​ട​പെ​ട​ൽ. പ​രീ​ക്ഷ​ണ​മെ​ന്ന നി​ല​യി​ൽ അ​ഞ്ച് കി​ലോ​യോ​ളം ആ​ദ്യ​മാ​യി ന​ൽ​കാ​മെ​ന്ന് ബി​ഗ് ബോ​സ് സ​മ്മ​തി​ച്ചു.

ഇ​ത് വാ​ങ്ങാ​ൻ പ​ണ​മാ​യി ഒ​ന്ന​ര കോ​ടി രൂ​പ​യി​ലേ​റെ ക​ണ്ടെ​ത്തേ​ണ്ടി​യി​രു​ന്ന​തി​നാ​ലാ​ണു ന​ട​പ​ടി​ക​ൾ വൈ​കി​യ​ത്. പി​ന്നീ​ട് ഫി​ലീം നോ​ട്ടു​ക​ൾ ഉ​ൾ​പ്പെ​ടെ​യു​ള്ള​വ​യു​മാ​യാ​ണു പോ​ലീ​സ് ഇ​ട​പാ​ട് ഉ​റ​പ്പി​ക്കു​ന്ന​തി​നാ​യി ചെ​ന്നൈ​യി​ലോ​ട്ട് പോ​യ​ത്. ചെ​ന്നൈ​യി​ലെ​ത്തി​യ പോ​ലീ​സ് സം​ഘം ബി​ഗ് ബോ​സു​മാ​യി ബ​ന്ധ​പ്പെ​ട്ട​പ്പോ​ൾ ത​ന്‍റെ ഏ​ജ​ന്‍റ് എ​റ​ണാ​കു​ള​ത്തേ​യ്ക്കു​ള്ള ട്രെ​യി​ലു​ണ്ടെ​ന്നും ട്രെ​യി​നി​ൽ​വ​ച്ച് സാ​ധ​നം കൈ​മാ​റു​മെ​ന്നും വ്യ​ക്ത​മാ​ക്കി.

തു​ട​ർ​ന്നു ഏ​ജ​ന്‍റ് ക​യ​റി​യ ട്രെ​യി​നി​ൽ പോ​ലീ​സ് ക​യ​റു​ക​യും പി​ന്തു​ട​രു​ക​യു​മാ​യി​രു​ന്നു. ട്രെ​യി​ൻ യാ​ത്ര​യി​ൽ എ​പ്പോ​ഴെ​ങ്കി​ലും പ്ര​തി ബി​ഗ്ബോ​സു​മാ​യി ബ​ന്ധ​പ്പെ​ടു​മെ​ന്നു പോ​ലീ​സ് ക​രു​തി​യെ​ങ്കി​ലും ഉ​ണ്ടാ​യി​ല്ലെ​ന്ന് അ​ധി​കൃ​ത​ർ പ​റ​ഞ്ഞു. പി​ന്നീ​ട് എ​റ​ണാ​കു​ളം നോ​ർ​ത്ത് സ്റ്റേ​ഷ​നി​ൽ ഇ​റ​ങ്ങി​യ​പ്പോ​ൾ ഇ​യാ​ളെ പി​ടി​കൂ​ടു​ക​യാ​യി​രു​ന്നു​വെ​ന്നും പോ​ലീ​സ് പ​റ​ഞ്ഞു.

ഇ​ബ്രാ​ഹിം ഷെ​രീ​ഫ് പി​ടി​യി​ലാ​യ​തോ​ടെ ബി​ഗ് ബോ​സി​ന്‍റെ മൊ​ബൈ​ൽ ഫോ​ണ്‍ പ്ര​വ​ർ​ത്ത​ന​ര​ഹി​ത​മാ​യെ​ന്നും പോ​ലീ​സ് പ​റ​ഞ്ഞു. പി​ടി​കൂ​ടു​ന്ന സ​മ​യം ഹാ​ഷി​ഷ് ഓ​യി​ൽ എ​ന്ന് സം​ശ​യി​ക്കു​ന്ന പ​ദാ​ർ​ഥ​വും പോ​ലീ​സ് ക​ണ്ടെ​ത്തി​യി​രു​ന്നു. ഇ​ത് ഇ​യാ​ൾ സ്വ​യം ക​രു​തി​യ​താ​കാ​മെ​ന്നാ​ണു പോ​ലീ​സ് സം​ശ​യി​ക്കു​ന്ന​ത്. പി​ടി​കൂ​ടു​ന്പോ​ൾ ര​ണ്ട് കി​ലോ​ഗ്രാം മെ​ത്താം ഫി​റ്റ​മി​നാ​ണ് പ്ര​തി​യു​ടെ പ​ക്ക​ലു​ണ്ടാ​യി​രു​ന്ന​ത്. ഇ​യാ​ളെ ഇ​ന്നു കോ​ട​തി​യി​ൽ ഹാ​ജ​രാ​ക്കും. ബി​ഗ് ബോ​സി​നെ പി​ടി​കൂ​ടു​ന്ന​തി​നു​ള്ള ന​ട​പ​ടി​ക​ൾ ആ​രം​ഭി​ച്ച​താ​യും ഇ​തി​നാ​യി മ​റ്റ് മാ​ർ​ഗ​ങ്ങ​ൾ തേ​ടു​ക​യാ​ണെ​ന്നും പോ​ലീ​സ് അ​റി​യി​ച്ചു.

പി​ടി​യി​ലാ​യ​ത് ചി​ല്ല​റ​ക്കാ​ര​ന​ല്ല

ചെ​ന്നൈ കേ​ന്ദ്രീ​ക​രി​ച്ച് രാ​ജ്യ​ത്തി​ന്‍റെ പ​ല ഭാ​ഗ​ത്തേ​ക്കും മ​യ​ക്കു മ​രു​ന്നു​ക​ൾ ക​യ​റ്റി അ​യ​ക്കു​ന്ന സം​ഘ​ത്തി​ലെ ക​ണ്ണി​യാ​ണു പി​ടി​യി​ലാ​യ​ത്. ശ്രീ​ല​ങ്ക​യി​ൽ എ​ൽ​റ്റി​റ്റി​ഇ​യ്ക്ക് ഇ​പ്പോ​ഴും സ്വാ​ധീ​ന​മു​ള്ള സ്ഥ​ല​ങ്ങ​ളി​ലെ പ്ര​ധാ​ന വ​രു​മാ​ന​മാ​ർ​ഗ​മാ​ണ് മ​യ​ക്കു​മ​രു​ന്ന് ക​ട​ത്ത്.

മ​ലേ​ഷ്യ, സി​ങ്ക​പ്പൂ​ർ തു​ട​ങ്ങി​യ രാ​ജ്യ​ങ്ങ​ളി​ൽ നി​ർ​മി​ച്ച് അ​വി​ടെ​നി​ന്നും ക​ട​ൽ​മാ​ർ​ഗം ശ്രീ​ല​ങ്ക​യി​ൽ എ​ത്തി​ക്കു​ന്ന മ​യ​ക്കു​മ​രു​ന്നു​ക​ൾ അ​വി​ടെ​നി​ന്നും അ​ഭ​യാ​ർ​ഥി​ക​ൾ വ​ഴി ബോ​ട്ട് മാ​ർ​ഗം ചെ​ന്നൈ, തൂ​ത്തു​കു​ടി തു​ട​ങ്ങി​യ തു​റ​മു​ഖ ന​ഗ​ര​ങ്ങ​ളി​ൽ എ​ത്തി​ക്കും. അ​വി​ടെ​നി​ന്നും മും​ബൈ, ഗോ​വ, ബം​ഗ​ളൂ​രു, ഹൈ​ദ്രാ​ബാ​ദ്, കൊ​ച്ചി തു​ട​ങ്ങി രാ​ജ്യ​ത്തി​ന്‍റെ പ​ല ഭാ​ഗ​ത്തേ​ക്കും ഏ​ജ​ൻ​റു​മാ​ർ മു​ഖാ​ന്തി​രം എ​ത്തി​ക്കു​ന്ന സം​ഘ​ത്തി​ലെ ക​ണ്ണി​യാ​ണ് പി​ടി​യി​ലാ​യ ഇ​ബ്രാ​ഹിം ഷെ​രീ​ഷ് എ​ന്ന് ഡി​സി​പി ജെ. ​ഹി​മേ​ന്ദ്ര​നാ​ഥ് പ​റ​ഞ്ഞു.

ഒ​രു കി​ലോ​യ്ക്ക് 35 ല​ക്ഷം രൂ​പ​വ​രെ​യാ​ണു ഹോ​ൾ​സെ​യി​ൽ വി​ല​യാ​യി ഈ​ടാ​ക്കു​ന്ന​ത്. ചി​ല്ല​റ​വി​ൽ​പ്പ​ന​യി​ലേ​ക്ക് എ​ത്തു​ന്പോ​ൾ വി​ല ഒ​ന്ന​ര കോ​ടി രൂ​പ​വ​രെ ഉ​യ​രു​മെ​ന്നും അ​ധി​കൃ​ത​ർ പ​റ​യു​ന്നു. പി​ടി​യി​ലാ​യ പ്ര​തി തു​ണി​ത്ത​ര​ങ്ങ​ളു​ടെ ബി​സി​ന​സ് എ​ന്ന രീ​തി​യി​ൽ ചെ​ന്നൈ, കൊ​ച്ചി, തി​രു​വ​ന​ന്ത​പു​രം തു​ട​ങ്ങി​യ വി​മാ​ന​ത്താ​വ​ള​ങ്ങ​ളി​ൽ​നി​ന്നും സി​ങ്ക​പ്പൂ​രി​ലേ​ക്കും മ​ലേ​ഷ്യ​യി​ലേ​ക്കും നി​ര​വ​ധി ത​വ​ണ സ​ഞ്ച​രി​ച്ചി​ട്ടു​ണ്ടെ​ന്ന് ചോ​ദ്യം ചെ​യ്യ​ലി​ൽ വ്യ​ക്ത​മാ​യ​താ​യി പോ​ലീ​സ് അ​റി​യി​ച്ചു.

കൊ​ച്ചി​യി​ൽ അ​ടു​ത്ത​യി​ടെ കൊ​റി​യ​ർ സ​ർ​വീ​സ് ക​ന്പി​നി​യി​ൽ നി​ന്നും വ​ൻ​തോ​തി​ൽ എം​ഡി എം​എ മ​യ​ക്കു​മ​രു​ന്ന് പി​ടി​കൂ​ടി​യ സം​ഭ​വ​വു​മാ​യി ഈ ​സം​ഘ​ത്തി​ന് ബ​ന്ധ​മു​ണ്ടോ​യെ​ന്നും പോ​ലീ​സ് പ​രി​ശോ​ധി​ച്ചു​വ​രി​ക​യാ​ണ്. ജി​ല്ലാ ക്രൈം​ബ്രാ​ഞ്ച് എ​സി​പി ബി​ജി ജോ​ർ​ജി​ന്‍റെ നേ​തൃ​ത്വ​ത്തി​ൽ ഷാ​ഡോ എ​സ്ഐ എ.​ബി. വി​ബി​ൻ, നോ​ർ​ത്ത് എ​സ്ഐ വി​ബി​ൻ​ദാ​സ്, സി​പി​ഒ​മാ​രാ​യ അ​ഫ്സ​ൽ, ഉ​സ്മാ​ൻ, സാ​നു, വി​നോ​ദ്, സാ​നു​മോ​ൻ എ​ന്നി​വ​ർ അ​ട​ങ്ങി​യ സം​ഘ​മാ​ണു പ്ര​തി​യെ പി​ടി​കൂ​ടി​യ​ത്.

ഐ​സ്മെ​ത്ത് എ​ന്ന മെ​ത്താ ഫി​റ്റ​മി​ൻ

ഇ​ന്ന​ലെ പി​ടി​കൂ​ടി​യ ഐ​സ്മെ​ത്ത് എ​ന്ന മെ​ത്താം ഫി​റ്റ​മി​ൻ മ​യ​ക്കു​മ​രു​ന്ന് ഐ​സ്, സ്പീ​ഡ് എ​ന്നീ അ​പ​ര​നാ​മ​ങ്ങ​ളി​ലും അ​റി​യ​പ്പെ​ടു​ന്നു. അ​തി​വേ​ഗ​ത്തി​ൽ ത​ല​ച്ചോ​റി​ൽ എ​ത്തി നാ​ഡീ ഞെ​ര​ന്പു​ക​ളെ ഉ​ത്തേ​ജി​പ്പി​ക്കു​ന്ന​തി​നാ​ലാ​ണ് ഈ ​ല​ഹ​രി വ​സ്തു​വി​ന് സ്പീ​ഡ് എ​ന്ന അ​പ​ര​നാ​മം ല​ഭി​ച്ച​ത്. പാ​ർ​ട്ടി ഡ്ര​ഗ് ആ​യി സ്ത്രീ​ക​ൾ കൂ​ടു​ത​ലാ​യും ഉ​പ​യോ​ഗി​ച്ച് കാ​ണു​ന്ന ഐ​സ്മെ​ത്ത് അ​പൂ​ർ​വ​മാ​യി മാ​ത്രം കി​ട്ടു​ന്ന​തി​നാ​ൽ ല​ഹ​രി ഉ​പ​ഭോ​ക്താ​ക്ക​ൾ​ക്കി​ട​യി​ൽ വ​ൻ ഡി​മാ​ൻ​റാ​ണെ​ന്നു പോ​ലീ​സ് പ​റ​യു​ന്നു.

മ​ണി​ക്കൂ​റു​ക​ളോ​ളം ക്ഷീ​ണ​മി​ല്ലാ​തെ നൃ​ത്തം ചെ​യ്യാ​ൻ ഇ​തി​ന്‍റെ ഉ​പ​യോ​ഗം​മൂ​ലം സാ​ധി​ക്കു​മ​ത്രേ. ഒ​രാ​ളു​ടെ ശ​രീ​ര​ത്തി​ൽ ഈ ​മ​യ​ക്കു​മ​രു​ന്ന് ഒ​രു ഗ്രാം ​എ​ത്തി​യാ​ൽ പ​ത്ത് മു​ത​ൽ പ​തി​നാ​റ് മ​ണി​ക്കൂ​ർ വ​രെ ല​ഹ​രി നി​ല​നി​ൽ​ക്കും. അ​തി​യാ​യ ആ​ഹ്ലാ​ദ​വും ചെ​യ്ത പ്ര​വൃ​ത്തി​ക​ൾ വീ​ണ്ടും വീ​ണ്ടും ചെ​യ്യു​ന്ന​തും ഈ ​ല​ഹ​രി​മ​രു​ന്ന് ഉ​പ​യോ​ഗി​ച്ച​തി​ന്‍റെ ല​ക്ഷ​ണ​മാ​ണെ​ന്നാ​ണു പോ​ലീ​സ് പ​റ​യു​ന്ന​ത്. അ​മി​ത​മാ​യ ലൈം​ഗി​കാ​സ​ക്തി​യും ഇ​തി​ലേ​യ്ക്ക് ല​ഹ​രി ഉ​പ​ഭോ​ക്താ​ക്ക​ളെ ആ​ക​ർ​ഷി​ക്കു​ന്ന​താ​യി അ​ധി​കൃ​ത​ർ പ​റ​യു​ന്നു.