ദുബായ്: ഐസിസി ടെസ്റ്റ് റാങ്കിംഗിൽ രോഹിത് ശർമയ്ക്കും വിരാട് കോഹ്ലിക്കും സ്ഥാനചലനമില്ല. ഇരുവരും ആദ്യ പത്തിൽ ഇടം നിലനിർത്തി.
രോഹിത് അഞ്ചാം സ്ഥാനത്തും കോഹ്ലി ഒന്പതാമതുമാണ്. ആദ്യ പത്തിൽ ഇന്ത്യയിൽനിന്ന് ഇടം നേടിയതും ഇവർ മാത്രമാണ്.
ഓസീസ് താരം മാർനസ് ലബുഷെയ്നാണു ബാറ്റർമാരുടെ റാങ്കിംഗിൽ ഒന്നാമത്. ന്യൂസിലൻഡ് താരം കെയ്ൻ വില്യംസണെ മറികടന്ന് സ്റ്റീവ് സ്മിത്ത് മൂന്നാം സ്ഥാനത്തെത്തി. ജോ റൂട്ടാണു രണ്ടാമത്.
ഡീൻ എൽഗറും ഉസ്മാൻ ഖവാജയും ആദ്യ പത്തിൽ ഇടംപിടിച്ചിട്ടുണ്ട്.ബൗളർമാരുടെ റാങ്കിംഗിൽ എട്ടു സ്ഥാനങ്ങൾ മുന്നോട്ടു കയറി മൂന്നാമതെത്തിയ കൈൽ ജാമിസണ്‍ നേട്ടമുണ്ടാക്കി.
ഇന്ത്യൻ സ്പിന്നർ രവിചന്ദ്രൻ അശ്വിൻ രണ്ടാം സ്ഥാനത്താണ്. ഒന്നാമത് ഓസ്ട്രേലിയൻ ഫാസ്റ്റ് ബൗളർ പാറ്റ് കമ്മിൻസാണ്.
