കുഞ്ഞുങ്ങളെ ഇഷ്ടമില്ലാത്തവര്‍ ആരാണുള്ളത്. അവരുടെ നിഷ്‌കളങ്കതയും ചെയ്തികളും നമ്മുടെ ഹൃദയത്തില്‍ സന്തോഷം ജനിപ്പിക്കും.
സമൂഹ മാധ്യമങ്ങളുടെ വരവോടെ കുട്ടികളുടെ നിരവധി രസകരമായ വീഡിയോകള്‍ നമുക്ക് മുന്നിലേക്കെത്തുന്നു.
ഇപ്പോഴിതാ ഒരു ടര്‍ക്കിഷ് ഐസ്‌ക്രീം കച്ചവടക്കാരന്‍ ഒരു കുട്ടിയെ കബളിപ്പിക്കുന്നതാണ് സമൂഹ മാധ്യമങ്ങളില്‍ വൈറല്‍.
ഐസ്‌ക്രീം വാങ്ങാനെത്തുന്നവരെ പറ്റിക്കാന്‍ ഈ ടര്‍ക്കിഷ് കച്ചവടക്കാര്‍ ഏറെ കേമന്‍മാരാണല്ലൊ. അത്തരം നിരവധി കാഴ്ചകള്‍ നാം ആസ്വദിക്കാറുമുണ്ട്.
ഇവിടെ ഈ പെണ്‍കുട്ടിയെ ഐസ്‌ക്രീം എന്ന രീതിയില്‍ ഒഴിഞ്ഞ കോണ്‍ നല്‍കി ഇദ്ദേഹം പലവട്ടം കബളിപ്പിക്കുകയാണ്.
ഓരോ തവണയും ഐസ്‌ക്രീം ലഭിച്ചെന്ന് കരുതി ആ കുട്ടി കഴിക്കാന്‍ തുടങ്ങുന്നതും ഇല്ലായെന്നറിയുമ്പോള്‍ വിഷമിക്കുന്നതും കാഴ്ചക്കാരന്‍റെ ഹൃദയം കവരും.
ഏതായാലും ഒടുവില്‍ ആ കുഞ്ഞ് പെണ്‍കുട്ടിക്ക് ഐസ്‌ക്രീം ലഭിക്കുകയാണ്. വൈറലായി മാറിയ ദൃശ്യങ്ങള്‍ക്ക് നിരവധി കമന്‍റുകള്‍ ലഭിക്കുന്നുണ്ട്.
“ആ നിഷ്‌കളങ്കത വളരെ സത്യമാണ്. ചെറിയ കുട്ടികളില്‍ ദൈവത്തെ കാണുന്നു എന്ന് പറയുന്നതില്‍ അതിശയിക്കാനില്ല’ എന്നാണൊരാള്‍ കുറിച്ചത്.
