തിരുവനന്തപുരം: രാജ്യന്തര ചലച്ചിത്രമേള (ഐഎഫ്എഫ്കെ) ഫെബ്രുവരി 10 മുതൽ സംഘടിപ്പിക്കും. നാലിടങ്ങളിലായാണ് ഇത്തവണ ചലച്ചിത്രമേള. തിരുവനന്തപുരം, എറണാകുളം, പാലക്കാട്, തലശ്ശേരി എന്നീ നഗരങ്ങൾ മേളയ്ക്കു വേദിയാകും.
തിരുവനന്തപുരത്ത് ഫെബ്രുവരി പത്തു മുതൽ 14 വരെയും എറണാകുളത്ത് 17 മുതൽ 21 വരെയും തലശേരിയിൽ 23 മുതൽ 27 വരെയും പാലക്കാട്ട് മാർച്ച് ഒന്നു മുതൽ അഞ്ചു വരെയുമായിരിക്കും മേള.
200 പേർക്കു മാത്രമാണ് തിയറ്ററിൽ പ്രവേശനമുണ്ടാവുക. ഡെലിഗേറ്റുകൾക്കുള്ള ഫീസ് 750 ആയി കുറയ്ക്കുകയും ചെയ്തിട്ടുണ്ട്.
