തെന്നിന്ത്യൻ താരം ഇല്യാന ഡിക്രൂസ് ഇപ്പോൾ തെന്നിന്ത്യ വിട്ട് ബോളിവുഡിൽ കളം നിറയാനുള്ള ഒരുക്കത്തിലാണ്. ഇല്യാന നായികയായി എത്തുന്ന ബോളിവുഡ് ചിത്രം ബാദ്ഷാഹോയുടെ ടീസർ പുറത്തിറങ്ങി. 1.57 മിനിറ്റ് ദൈർഘ്യമുള്ള ടീസറാണ് പുറത്തിറങ്ങിയിരിക്കുന്നത്. ഇല്യാന ടോപ്ലെസായി എത്തുന്ന രംഗവും ഉൾപ്പെടുത്തിയാണ് ടീസർ പുറത്ത് വിട്ടിരിക്കുന്നത്.
ടീസർ പുറത്തിറങ്ങി ഒരു ദിവസത്തിനുള്ളിൽ അഞ്ച് ലക്ഷത്തോളം ആളുകൾ ടീസർ കണ്ടുകഴിഞ്ഞു. വണ്‍സ് അപ്പോണ്‍ എ ടൈം ഇൻ മുംബൈ ദൊബാരായ്ക്ക് ശേഷം മിലൻ ലുത്രിയ സംവിധാനം ചെയ്യുന്ന ആക്ഷൻ ത്രില്ലറാണ് ബാദ്ഷാഹോ. അജയ് ദേവ്ഗണും ഇമ്രാൻ ഹാഷ്മിയുമാണ് പ്രധാനതാരങ്ങൾ. ഇല്യാനയ്ക്കൊപ്പം ഇഷാ ഗുപ്തയും ചിത്രത്തിൽ നായികയായി എത്തുന്നു. ഇമ്രാൻ ഹഷ്മിക്കൊപ്പം ഐറ്റം ഡാൻസുമായി സണ്ണി ലിയോണും എത്തുന്നു എന്നത് ചിത്രത്തിന്‍റെ മറ്റൊരു പ്രത്യേകതയാണ്. ആക്്ഷൻ താരം വിദ്യുത് ജമാൽ മറ്റൊരു പ്രധാന കഥാപാത്രമായി ബാദ്ഷാഹോയിൽ എത്തുന്നു. അടിയന്തരാവസ്ഥയും പശ്ചാത്തലമാകുന്ന ചിത്രം സെപ്റ്റംബർ ഒന്നിന് തിയറ്ററിലെത്തും.
