ഫുട്ബോൾ താരം ഐ.എം.വിജയന്‍റെ ജീവിതം സിനിമയാക്കുന്നു. മലയാളത്തിലെ ഒരു പ്രമുഖ യുവതാരം ഐ.എം.വിജയനായി വേഷമിടും എന്നാണ് റിപ്പോർട്ട്. താരം ആരാണെന്നുള്ള വിവരം പുറത്തുവിട്ടിട്ടില്ല. രാമലീലയുടെ സംവിധായകൻ അരുൺ ഗോപിയാണ് ചിത്രം സംവിധാനം ചെയ്യുന്നത്.
ഇന്ത്യൻ ഫുട്ബോൾ ടീമിന്‍റെ ക്യാപ്റ്റനായിരുന്ന വി.പി.സത്യന്‍റെ ബയോപിക് വെള്ളിത്തിരയിൽ എത്തിയതിന് പിന്നാലെയാണ് ഐ.എം.വിജയന്‍റെ ജീവിതവും സിനിമയാക്കുന്നുവെന്ന വിവരം പുറത്തു വരുന്നത്. പ്രണവ് മോഹൻലാൽ ചിത്രം പൂർത്തിയാക്കിയാൽ ഉടൻ ഐ.എം.വിജയന്‍റെ ബയോപിക്കിന്‍റെ ഷൂട്ടിംഗ് ആരംഭിക്കും.
