നാഗ്പുർ: ഇംഗ്ലണ്ട് വനിതകൾക്കെതിരായ ഏകദിന ക്രിക്കറ്റ് പരന്പര ഇന്ത്യൻ വനിതകൾ സ്വന്തമാക്കി. മൂന്നാം ഏകദിനത്തിൽ എട്ട് വിക്കറ്റിനു ജയിച്ചാണ് ഇന്ത്യ പരന്പര 2-1നു സ്വന്തമാക്കിയത്.
ഇംഗ്ലണ്ട് ഉയർത്തിയ 202 റണ്‍സ് വിജയലക്ഷ്യം ഇന്ത്യ രണ്ടു വിക്കറ്റ് നഷ്ടത്തിൽ മറകടന്നു. 10 ഓവറിൽ 35 റണ്‍സ് വഴങ്ങി രണ്ട് വിക്കറ്റ് വീഴ്ത്തുകയും 61 പന്തിൽ പുറത്താകാതെ 54 റണ്‍സ് എടുക്കുകയും ചെയ്ത ദീപ്തി ശർമയാണ് കളിയിലെ താരം. 67 പന്തിൽ 53 റണ്‍സ് എടുത്ത് സ്മൃതി മന്ദാന പരിക്കേറ്റ് പിൻമാറി. ക്യാപ്റ്റൻ മിതാലി രാജ് 74 റണ്‍സ് എടുത്ത് പുറത്താകാതെനിന്നു. മിതാലിയുടെ 50-ാം അർധസെഞ്ചുറിയായിരുന്നു ഇത്.
സ്കോർ: ഇംഗ്ലണ്ട് 50 ഓവറിൽ ഒന്പത് വിക്കറ്റ് നഷ്ടത്തിൽ 201. ഇന്ത്യ 45.2 ഓവറിൽ രണ്ട് വിക്കറ്റ് നഷ്ടത്തിൽ 202. 94 റണ്‍സ് നേടിയ എയ്മി ജോണ്സിനൊഴികെ മറ്റാർക്കും ഇംഗ്ലണ്ട് നിരയിൽ തിളങ്ങാൻ കഴിഞ്ഞില്ല. സ്മൃതി മന്ദാനയാണ് പരന്പരയുടെ താരം.
