ദുബായ്: ബംഗളുരു ടെസ്റ്റിലെ വിജയത്തിനു പിന്നാലെ ഇന്ത്യൻ ടീമിനു സന്തോഷവാർത്ത. ഐസിസി ടെസ്റ്റ് റാങ്കിംഗിലെ ഒന്നാം സ്ഥാനമാണ് ഇന്ത്യ ഉറപ്പിച്ചത്. ഇതോടെ 10 ലക്ഷം ഡോളറിന്‍റെ ഐസിസി സമ്മാനത്തുക ഇന്ത്യൻ ടീമിനു ലഭിക്കും. ഏപ്രിൽ ഒന്നിന് ഒന്നാം റാങ്കിലുള്ള ടീമിനാണ് സമ്മാനം ലഭിക്കുന്നത്.
121 പോയിന്‍റുമായാണ് ഇന്ത്യ ഒന്നാം റാങ്ക് ഉറപ്പിച്ചത്. രണ്ടാം സ്ഥാനത്തുള്ള ഓസ്ട്രേലിയയ്ക്ക് 109 പോയിന്‍റാണുള്ളത്. ദക്ഷിണാഫ്രിക്ക, ഇംഗ്ലണ്ട് തുടങ്ങിയ ടീമുകളാണ് തൊട്ടടുത്ത സ്ഥാനങ്ങളിൽ. ബംഗളുരു ടെസ്റ്റിലെ വിജയത്തോടെ ഇന്ത്യ പരന്പര 1-1 എന്ന നിലയിൽ സമനിലയിലാക്കിയിരുന്നു. 16 മുതൽ റാഞ്ചിയിലാണ് മൂന്നാം ടെസ്റ്റ്.
