വിദ്യാ ബാലൻ മുൻ പ്രധാനമന്ത്രി ഇന്ദിരാഗാന്ധിയുടെ വേഷത്തിലെത്തുന്നു. റിതേഷ് ബത്ര സംവിധാനം ചെയ്യുന്ന വെബ് സീരീസിലാണ് വിദ്യ ഇന്ദിരാ ഗാന്ധിയാകുന്നത്. സാഗരിക ഘോഷ് എഴുതിയ ഇന്ദിര: ഇന്ത്യാസ് മോസ്റ്റ് പവര്‍ഫുള്‍ പ്രൈം മിനിസ്റ്റര്‍ എന്ന പുസ്‍തകമാണ് വെബ് സീരീസിന് ആസ്പദമാകുന്നത്.
ഇതുപോലൊരു പ്രൊജക്ടിന് നിരവധി തയ്യാറെടുപ്പുകൾ വേണമെന്ന് വിദ്യ ബാലൻ പറയുന്നു. ആദ്യമായാണ് വിദ്യ ഒരു വെബ് സീരീസിൽ അഭിനയിക്കുന്നത്. പുസ്തകം വെബ് സീരീസ് ആക്കാനുള്ള അവകാശവും വിദ്യ വാങ്ങിയിരുന്നു. വിദ്യ ബാലൻ അഭിനയിച്ച മിഷൻ മംഗൾ തീയറ്ററുകളിൽ നിറഞ്ഞോടുകയാണ്.
