മാന്നാറിനെ വെള്ളിത്തിരയിൽ ഹിറ്റാക്കിയ മാന്നാർ മത്തായി; ഇന്നസെന്‍റിന്‍റെ വേ​ർ​പാ​ടി​ൽ കണ്ണീർപൊഴിച്ച് മാ​ന്നാ​ർ നി​വാ​സി​ക​ളും

ഡൊ​മി​നി​ക് ജോ​സ​ഫ്
മാ​ന്നാ​ർ: മാ​ന്നാ​റി​നെ അ​ന​ശ്വ​ര​മാ​ക്കി​യ മ​ഹാ​ന​ട​നു വിട. ഇന്നസെന്‍റ് പ്രധാന വേഷത്തിലെത്തിയ റാം​ജി​റാ​വൂ സ്പീ​ക്കിം​ഗ് എ​ന്ന സി​നി​മ​യി​ലെ ക​ഥാ​പാ​ത്ര​മാ​യ മാ​ന്നാ​ർ മ​ത്താ​യി​യെ ക​ലാ​കേ​ര​ളം ഒ​രി​ക്ക​ലും മ​റ​ക്കി​ല്ല.

തൊ​ഴി​ലി​ല്ലാ​യ്മ​യു​ടെ രൂ​ക്ഷ​ത ന​ർ​മ​ത്തി​ൽ ചാ​ലി​ച്ച് അ​വ​ത​രി​പ്പി​ക്കു​ന്ന ഈ ​സി​നി​മ​യി​ൽ ആ​ദ്യ​വ​സാ​നം ശ്ര​ദ്ധി​ക്ക​പ്പെ​ടു​ന്ന ക​ഥാ​പാ​ത്രം മാ​ന്നാ​ർ മ​ത്താ​യി ത​ന്നെ.

സി​നി​മ​യി​റ​ങ്ങി വ​ർ​ഷ​ങ്ങ​ൾ പി​ന്നി​ട്ടെ​ങ്കി​ലും മാ​ന്നാ​ർ മ​ത്താ​യി​യെ മ​റ​ക്കാ​ൻ ഇ​നി​യും മ​ല​യാ​ളി​ക​ൾ​ക്ക് ക​ഴി​ഞ്ഞി​ട്ടി​ല്ല. പ്രേ​ഷ​ക​രെ ചി​രി​യു​ടെ ലോ​ക​ത്തേ​ക്ക്‌ കൂ​ട്ടി​കൊ​ണ്ടു പോ​യ ക​ഥാ​പാ​ത്ര​മാ​യി​രു​ന്നു മാ​ന്നാ​ർ മ​ത്താ​യി.

ഇ​ന്നും ടിവി ചാ​ന​ലു​ക​ളി​ൽ ഈ ​സി​നി​മ എ​ത്തു​മ്പോ​ൾ കാ​ണി​ക​ൾ ഏ​റെ സ​ന്തോ​ഷ​ത്തോ​ടെ​യും ആ​വേ​ശ​ത്തോ​ടെ​യും എ​തി​രേ​ൽ​ക്കു​ന്ന​ത് ആ മഹാനടനുള്ള സ്വീ​കാ​ര്യ​ത​യാ​ണ്.​

മാ​ന്നാ​ർ മ​ത്താ​യി​യെ ജ​ന​ങ്ങ​ൾ നെ​ഞ്ചി​ലേ​റ്റി​യ​തിന്‍റെ പശ്ചാത്തലത്തിലാണ് റാം​ജി റാ​വു സ്പീ​ക്കി​ംഗിന്‍റെ ര​ണ്ടാം ഭാ​ഗ​ത്തി​ന് മാ​ന്നാ​ർ മ​ത്താ​യി സ്പീ​ക്കിം​ഗ് എ​ന്ന് പേ​രി​ട്ട​ത്.​

ഈ സി​നി​മ​ക​ൾ ഇ​റ​ങ്ങി​യ ശേ​ഷം ഒ​രി​ക്ക​ൽ ഒ​രു പൊ​തു ച​ട​ങ്ങി​നു മാ​ന്നാ​റി​ൽ​എ​ത്തി​യ ഇ​ന്ന​സെന്‍റ് തന്‍റെ മാ​ന്നാ​ർ മ​ത്താ​യി എ​ന്ന ക​ഥാ​പാ​ത്ര​ത്തക്കു​റി​ച്ച് സൂ​ചി​പ്പി​ക്കു​ക​യും ആ ​പേ​രു ഹി​റ്റാ​ക്കാ​ൻ സ​ഹാ​യി​ച്ച മാ​ന്നാ​ർ എ​ന്ന നാ​ടി​നെ ഒ​രി​ക്ക​ലും മ​റ​ക്കി​ല്ലെ​ന്നും പ​റ​ഞ്ഞിരുന്നു.

 മാ​ന്നാ​ർ എ​ന്ന ദേ​ശ​ത്തെ ഒ​രു സി​നി​മാ​ക​ഥാ​പാ​ത്ര​ത്തി​ലൂ​ടെ ലോ​ക​ത്തി​ന് മു​ൻ​പി​ൽ എ​ത്തി​ച്ച വ​ലി​യ ന​ടന്‍റെ വേ​ർ​പാ​ടി​ന്‍റെ വേദനയിൽ മാ​ന്നാ​ർ നി​വാ​സി​ക​ളും പ​ങ്ക് ചേ​രുകയാണ്.