താനാ സേർന്ത കൂട്ടം തിയറ്ററുകളിൽ വിജയം നേടിയപ്പോൾ സംവിധായകൻ വിഘ്നേഷ് ശിവന് സമ്മാനവുമായി നടൻ സൂര്യ. തന്നെ നായകനാക്കി സിനിമ സംവിധാനം ചെയ്തതിന്‍റെ നന്ദി സൂചകമായി ഇന്നോവ ക്രിസ്റ്റയാണ് സൂര്യ അദ്ദേഹത്തിന് നൽകിയത്.
അഴിമതിക്കും കൈക്കൂലിക്കുമെതിരെ പോരാടുന്ന ഒരു കൂട്ടം യുവാക്കളുടെ കഥയാണ് സിനിമ പറയുന്നത്. ഇതിനു മുന്പ് സിങ്കം 3 റിലസ് ചെയ്തപ്പോഴും സംവിധായകൻ ഹരിക്ക് സൂര്യ കാർ സമ്മാനിച്ചിരുന്നു.
1987ൽ മുംബൈയിൽ നടന്ന ഓപ്പറ ഹൗസ് ഹീസ്റ്റ് എന്ന ജ്വല്ലറി കവർച്ചയെ ആസ്പദമാക്കി അക്ഷയ്കുമാറിനെ നായകനാക്കി നീരജ് പാണ്ഡെ സംവിധാനം ചെയ്ത സ്പെഷ്യൽ 26 എന്ന സനിമയുടെ തമിഴ് പതിപ്പാണ് താനാ സേർന്ത കൂട്ടം.
കീർത്തി സുരേഷ്, രമ്യ കൃഷ്ണൻ, ആർ. ജെ. ബാലാജി, ആനന്ദ് രാജ്, സുരേഷ് ചന്ദ്രമേനോൻ എന്നിവരാണ് ചിത്രത്തിൽ മറ്റ് പ്രധാനകഥാപാത്രങ്ങളെ അവതരിപ്പിച്ചവർ.
