ഇടിഞ്ഞ് വീണ ഒരു പാലത്തിന്‍റെ നടുവിലൂടെയുള്ള ഭീമില്‍ കൂടി ഒരു കൊച്ചു കുട്ടി ഓടുന്നതിന്‍റെ വീഡിയോ കഴിഞ്ഞ ദിവസം വൈറലായിരുന്നു. പേടിയോടെ അല്ലാതെ ആർക്കും ആ വീഡിയോ കണ്ടു തീർക്കുന്നതിനു സാധിക്കില്ലായിരുന്നു.
പാലത്തിന്‍റെ രണ്ടു വശവും ഏതോ ആക്രമണത്തിലോ മറ്റോ ഇടിഞ്ഞു വീണതെന്ന് തോന്നിപ്പിക്കുന്നതായിരുന്നു. അതിലൂടെയാണ് കുഞ്ഞ് ഓടിപ്പോകുന്നത്. കുട്ടിക്ക് പുറകിലൂടെ ക്യാമറയുമായി പോകുന്നയാള്‍ ഇടയ്ക്ക് കുട്ടിയെ ‘ലുലു ലുലു വിളിക്കുന്നു. പേര് കേട്ട് കുട്ടി പെട്ടെന്ന് തിരിഞ്ഞ് നോക്കുന്നത് വീഡിയോയിൽ കാണാം. അതോടെ വീഡിയോ അവസാനിക്കുന്നു. കുട്ടിക്ക് പിന്നീട് എന്ത് സംഭവിച്ചു എന്ന പേടി നമ്മുടെ ഉള്ളിലേക്ക് സ്വാഭാവികമായും ഉണ്ടാകും.
ബസ്ര ക്രിയേറ്റീവ്സ് എന്ന ഇൻസ്റ്റാഗ്രാം പേജിലാണ് വീഡിയോ പങ്കുവച്ചിരിക്കുന്നത്. ഇതിനകം മൂന്നരക്കോടിയോളം ആളുകളാണ് വീഡിയോ കണ്ടത്. മുപ്പത് മില്യണ്‍ കാഴ്ചക്കാര്‍! ലുലു ഭയമില്ലാത്തവളാണ്. ദയവായി ഭയപ്പെടുത്തരുത് അവൾ സുരക്ഷിതയാണ്. പിന്നെ ഇത് എഡിറ്റ് ചെയ്ത വീഡിയോയാണ്.’ വീഡിയോ പങ്കുവച്ച് കൊണ്ട് ബസ്ര ക്രീയേറ്റീവ്സ് എഴുതിയത് വായിച്ചപ്പോഴാണ് കാഴ്ചക്കാർക്ക് സമാധാനമായത്.വീഡിയോ കാണാൻ ഇവിടെ ക്ലിക് ചെയ്യുക.
