ഇ​ൻ​സ്റ്റ​ഗ്രാ​മി​ൽ റീ​ൽ പോ​സ്റ്റ് ചെ​യ്ത​തി​ന് വീ​ട്ടി​ൽ ക​യ​റി ഭീ​ഷ​ണി​; നീക്കം ചെയ്തില്ലങ്കിൽ കൊന്നു കളയുമെന്ന് ഗുണ്ടകൾ

ഉ​ളി​ക്ക​ൽ: ഇ​ൻ​സ്റ്റ​ഗ്രാ​മി​ൽ റീ​ൽ പോ​സ്റ്റ് ചെ​യ്ത​തി​ന് വീ​ട്ടി​ൽ ക​യ​റി ഭീ​ഷ​ണി​പ്പെ​ടു​ത്തി​യ​താ​യി പ​രാ​തി. ഉ​ളി​ക്ക​ൽ സ്റ്റേ​ഷ​ൻ പ​രി​ധി​യി​ലെ തേ​ർ​മ​ല സ്വ​ദേ​ശി പ​യ്യ​ൻ വീ​ട്ടി​ൽ നാ​രാ​യ​ണ​ന്‍റെ പ​രാ​തി പ്ര​കാ​രം ഷാ​ജു, കോ​മ​ള, ഉ​ഷാ​ദ്, സ​ണ്ണി എ​ന്നി​വ​ർ​ക്കെ​തി​രേ​യും ക​ണ്ടാ​ൽ അ​റി​യു​ന്ന ഇ​രു​പ​തോ​ളം പേ​ർ​ക്കെ​തി​രേ​യും ഉ​ളി​ക്ക​ൽ പോ​ലീ​സ് കേ​സെ​ടു​ത്തു.

ബു​ധ​നാ​ഴ്ച രാ​ത്രി 7.30 ഓ​ടെ പ്ര​തി​ക​ൾ നാ​ലു​പേ​രും മ​റ്റു​ള്ള​വ​രും പ​രാ​തി​ക്കാ​ര​ന്‍റെ വീ​ട്ടി​ലെ​ത്തി മ​ക​ൻ ഇ​ൻ​സ്റ്റ​യി​ൽ‌ പോ​സ്റ്റ് ചെ​യ്ത റീ​ൽ പി​ൻ​വ​ലി​ച്ചി​ല്ലെ​ങ്കി​ൽ ചീ​ത്ത​വി​ളി​ക്കു​ക​യും കൊ​ല്ലു​മെ​ന്ന് പ​റ​ഞ്ഞ് ഭീ​ഷ​ണി​പെ​ടു​ത്തി​യെ​ന്നു​മാ​ണ് പ​രാ​തി.

ക​ഴി​ഞ്ഞ ദി​വ​സം മ​രിച്ച സി​പി​എം നേ​താ​വി​ന്‍റെ സം​സ്കാ​ര​വു​മാ​യി ബ​ന്ധ​പ്പെ​ട്ട് അ​പ​കീ​ർ​ത്തി പ​ര​ത്തു​ന്ന രീ​തി​യി​ൽ പോ​സ്റ്റ് ഇ​ട്ടതാ​ണ് പ്ര​ശ്ന​ത്തി​ന് കാ​ര​ണം.

എ​ന്നാ​ൽ, മ​ക​ന്‍റെ ഇ​ൻ​സ്റ്റാ​ഗ്രാ​മി​ൽ ഗ​ണേ​ശ ഉ​ത്സ​വ​ത്തോ​ട് അ​നു​ബ​ന്ധി​ച്ച പോ​സ്റ്റ് മാ​ത്ര​മാ​ണ് ഉ​ണ്ടാ​യി​രു​ന്ന​തെ​ന്നും പോ​സ്റ്റി​ലെ ചി​ല ഭാ​ഗ​ങ്ങ​ൾ മാ​ത്രം സ്ക്രീ​ൻ ഷോ​ട്ട് എ​ടു​ത്ത് മ​ക​ന്‍റെ ഫോ​ട്ടോ വ​ച്ച് ന​വ മാ​ധ്യ​മ​ങ്ങ​ളി​ൽ പ്ര​ച​രി​പ്പി​ച്ച​താ​യും പ​രാ​തി​ക്കാ​ര​ൻ പ​റ​യു​ന്നു.