ശബ്ദമില്ലാതെ പാറപൊട്ടിച്ചു കൊടുക്കുന്നു, മീൻ കുഞ്ഞുങ്ങളെ നീന്താൻ പഠിപ്പിക്കുന്നു, തരിപോലും താഴെ വീഴാതെ പഫ്സ് കഴിച്ചുകൊടുക്കുന്നു എന്നിങ്ങനെ പണിക്കാരെ കൊണ്ട് നിറഞ്ഞിരിക്കുന്നത് ഇൻസ്റ്റഗ്രാം. ഇപ്പോൾ സോഷ്യൽ മീഡിയയിൽ വൈറലാകുന്ന വീഡിയോകൾക്ക് താഴെ വരുന്ന കമന്‍റുകളാണ് ഇത്.
രസകരമായ കമന്‍റുകൾക്കൊപ്പം ഫോൺ നമ്പരും കമന്‍റ് വിദഗ്ധർ നൽകുന്നുണ്ട്. ഇപ്പോൾ ഇൻസ്റ്റഗ്രാമിൽ വരുന്ന എല്ലാ പോസ്റ്റുകൾക്കും താഴെ ഇങ്ങനെയുള്ള കമന്‍റുകൾ കാണാം.
വൈറൽ വീഡിയോസിന് ഉപരി ഇത്തരത്തിലുള്ള കമന്‍റുകളാണ് ഇപ്പോൾ സോഷ്യൽ മീഡിയയിൽ ശ്രദ്ധ തേടുന്നത്. അതേസമയം ഈ കമന്‍റുകളിൽ കാണുന്ന ഫോൺ നമ്പറിലേക്ക് ആളുകൾ വിളിക്കുന്നതും മറ്റും വീഡിയോ ആയി ചിത്രീകരിക്കുന്നവരുമുണ്ട്.
എന്തായാലും സംഭവം ഇപ്പോൾ സോഷ്യൽ മീഡിയയിൽ ചിരി പടർത്തിക്കൊണ്ടിരിക്കുകയാണ്. വീഡിയോകൾക്ക് പുറമെ സെലിബ്രിറ്റികളുടെ അക്കൗണ്ടുകളിലും ഈ കമന്‍റുകൾ വൈറലായിക്കൊണ്ടിരിക്കുകയാണ്.
